Gamaldags "karlpungaflokkur" ?

Sigurður Ingi Jóhannsson, oddviti Framsóknarflokksins í Suðurkjördæmi, lýsti því yfir formlega í ræðu á flokksþingi Framsóknarflokksins að hann byði sig fram til varaformennsku í Framsóknarflokknum.
_________________

Það vekur athygli mína hversu gamaldags og þunglamalegt yfirbragð Framsóknarflokksins er.

Konur eiga ekki upp á pallborðið á framboðslistum.

Aðeins 25% frambjóðenda flokksins í efstu sætum eru konur sem vekur athygli árið 2013.

Formaður flokksins er þunglamalegur gamaldags pólitíkus og ef Sigurður Ingi verður varaformaður þá er einsleitnin hrópandi.

Mér finnst eiginlega stórmerkilegt að ekki skuli hafa verið unnið með þessar staðreyndir í Framsóknarflokknum þrátt fyrir að fylgi hans fer jafnt og þétt þverrandi, enda stendur hann fyrir afar óljós málefni og sagan er vörðuð spillingu og fyrirgreiðslu.

Það er greinilega ekki vilji til að uppfæra flokkinn til nútímans á þeim bænum.

Býður sig fram til varaformanns

Athugasemdir

[Guðjón Sigþór Jensson, 8.2.2013 kl. 17:26]

Þessi Framsóknarflokkur er hálfgerður „Þursaflokkur“, samansafn af amböguhætti, afglöpum og stórkarlahætti. Óskandi er að sem flestir sjái gegnum þennan ósnotra flokk braskara og séreiginhagsmuna!

[Hólmfríður Bjarnadóttir, 8.2.2013 kl. 17:55]

Sú hugsun sem er á bak við stefnumál og þjóðrembu sem Framsóknarflokkurinn stendur fyrir - er gömul hugsun sem einkennist að gamla húsbóndavaldinu - sveitahöfðingjaveldinu og fleiri þáttum sem voru góðir og gildir um miðja síðustu öld. Mér finnst oft eins og þessi gamla hugsun sem byggir á hefðum aldanna - sé frekar til staðar í sveitum en í þéttbýli.

Þetta er ekki sagt neinum til hnjóðs - heldur hafa hefðir og venjur aldanna haldist þar lengur en víða annars staðar. Konur eru mun minna í forsvari í þeim hugarheimi.

[Guðjón Sigþór Jensson, 9.2.2013 kl. 23:08]

Sammála.

Sigmundur & Co eru sem steinrunnin nátttröll sem eiga ekkert erindi á 21.öldinni!