Kannski finna þeir einhverja stefnu ?

Í grein sinni segir varaþingmaðurinn m.a.: „En það er ekki nægjanlegt að marka stefnuna á landsfundi. Forysta Sjálfstæðisflokksins verður að koma fram af festu, tala skýrt og af sannfæringu – sýna djörfung í málflutningi. Hið sama á við um frambjóðendur flokksins um allt land. Aðeins þannig munu kjósendur skynja að sjálfstæðismenn séu málafylgjumenn, sem segja það sem þeir meina og gera það sem þeir segja.“

______________

Sjálfstæðisflokkurinn er undarleg skepna. Virðist geta rakað til sín fylgi í skoðanakönnum án þess að sýna nokkra stefnu og engar breytingar.

Margir frambjóðendur sem kosnir hafa verið í prófkjörum eru ósýnilegir og marka sér engan bás. Kannski á það bara að vera þannig þarna, veit það ekki.

En það sem er merkilegast við Sjálfstæðisflokkinn og málflutning hans er málefnafátæktin sem er eiginlega rannsóknarefni. Kannski finna þeir einhverja trúverðuga frasa til að setja fram í kosningabaráttu.

En hvað varðar stefnu þessa bandalags sem sjálfstæðisflokkurinn er, þá skilar það auðu að mestu.

Nefni nokkur mál:

• Utanríkismál....      Pass   engin stefna. ( eru í vanda síðan kaninn sagði okkur upp )
• Gjaldmiðilsmál.      Pass.
• Landbúnaðarmál.   Pass
• Sjávarútvegsmál.   Kvótakerfið óbreytt og auðlindin eign LÍÚ.
• Kvótamál.             Auðlindagjaldið fellt niður og notkun LÍÚ á henni ókeypis.
• Skattamál.            Skattar lækkaðir á stóreigna og hátekjufólk.
• Heilbrigðismál.      Aukin þátttaka sjúklinga og niðurskurður þjónustu.
• Menntamál.           Lækkun framlaga - aukin einkavæðing í skólakerfinu.
• Stjórnarskrármál.   Pass.   Stöðva allar tilraunir til breytinga.     

Svona mætti halda áfram. Kannski er þarna einhver stefna en henni er haldið leyndri því allur tími Sjálfstæðisþingmanna fer í að reyna að leggja stein í götu þingsins og stöðva allar breytingar.

En kannski eiga kjósendur von á einhverjum flottum frösum frá landsfundinum þar sem formaðurinn sjónumhryggi verður klappaður á sviðið umkringdum bláum tjöldum með ránfuglinn í baksýn.

ég hlakka til.

Verkefni á landsfundi