Vanur að fá sitt.

Kínverski fjárfestirinn Huang Nubo er bæði reiður og pirraður yfir þeirri meðferð sem hann hefur hlotið í tengslum við Grímsstaðamálið. Í viðtali við Bloomberg segist Huang ekki ætla að gefast upp, en hann tekur fram að hann hafi ekki fengið neinar frekari upplýsingar frá íslenskum stjórnvöldum.

______________

Pirringur ? Já eðlilega, þessi viðskiptajöfur er vanur að fá það sem hann vill, hann er einfaldlega í þeirri stöðu.

Nú verður það ekki þannig.

Enn er ósvarað fjölda álitamála og meðan þau svör berast ekki og eru trúverðug mun viðkomandi ekki fá leyfi til að mæta á Hólsfjöll á sínum forsendum eingöngu.

Að byggja þorp á hálendi Íslands með öllu því sem fylgir slíku kallar á meiri og betri svör en þau sem þessi pirraði fjárfestir hefur skilað frá sér fram að þessu.

Huang: „Reiður og pirraður“

Athugasemdir

[Axel Jóhann Hallgrímsson, 3.12.2012 kl. 08:25]

Það er alveg sama hvaða persónulegu skoðun menn hafa á þessum Nubo, íslendingar ættu að líta í eigin barm í þessu máli. Höfum við komið hreint fram? Við höfum á víxl sagt já og gefið loforð með annarri hendinni og sagt svo nei með hinni og dregið loforðin til baka. Það væri nú aldeilis búið að blogga kæmu Kínverjarnir svona fram við okkur! 

[Sigurður Haraldsson, 3.12.2012 kl. 09:08]

Axel ættum við ekki að leika sama leikinn og falast eftir sömu stærð á landi í Kína til leigu í 99 ár það væri fróðlegt að heyra þeirra svör :)

[ragnar (IP-tala skráð) 3.12.2012 kl. 09:09]

þið sem viljið selja honum landið okkar eruð ekki í lagi .  hann lofar okkur ferðamensku og það er sanleikur ,en ekki einsog þið haldið heldur,  ferðamensku kínverja til kínverska nýlendu á íslandi !
hvað eruð þið til í að selja heiðmörk á mikin pening ?

[Sigurður Haraldsson, 3.12.2012 kl. 09:10]

Vil ekki heyra þá skýringu að það eru svo miklu fleiri Kínverjar per fermeter það er ekki ásættanlegt því við erum að tala um allt annað mál hvað það varðar þeir eru í þeirri stöðu að vera eins og flugur í fjölda.

[Axel Jóhann Hallgrímsson, 3.12.2012 kl. 10:05]

Til að það sé á hreinu, þá er ég ekki talsmaður þess að selja útlendingum landið. En við eigum að vera menn til að koma hreint fram. Stjórnvöld eiga að hafa skýra stefnu, ekki eina í dag og aðra á morgun. Ekki eina skoðun þegar þessi ráðherra talar og aðra þegar einhver annar ráðherra talar. Nema auðvitað að ætlunin sé að gera okkur sjálf að fíflum.

Sigurður, er eitthvað sem hindrar þig í því að falast eftir landi í Kína til leigu í 99 ár?

[Sigurður Haraldsson, 3.12.2012 kl. 11:44]

Kínamenn vilja hvorki selja né leija land sitt!

[Guðjón Sigþór Jensson, 3.12.2012 kl. 17:23]

Mín vegna má þessi útlendingur vera eins lengi reiður og pirraður og hann vill. Hvað sagði meistari Jón Vídalín: „Reiðin er eitt reiðarslag. Sá sem reiður er, er vitlaus“.

Lára Hanna fyrrum bloggari á mbl.is hefur rannsakað gjörla fjárfestingar þessa manns og þær eru ekki sérstaklega hvetjandi fyrir þá sem vilja falla í freistni og ljá máls að veita honum aðgang að landi. Hann á nokkur þúsund ekrur í BNA en þar er sama og ekkert sem hefur verið byggt. Hins vegar er búið að veðsetja landið vegna himinhárra skulda. Nokkuð kunnugt eftir reynslu okkar eftir íslensku braskarana sem komu af stað hruninu. Þurfum við útlenda braskara til að koma okkur aftur í koll?

Hollt væri fyrir þennan mann að endurskoða stefnu sína í fjárfestingum. Ekki dugar að kaupa eða leigja og skilja allt eftir í skuld.

Góðar stundir en án braskara og spillingar.

Mosi