Hófsamur varaformaður yfirgefur öfgaformann.

Birkir Jón Jónsson, varaformaður Framsóknarflokksins, hefur ákveðið að gefa ekki kost á sér til áframhaldandi þingsetu eftir þetta kjörtímabil af persónulegum ástæðum og muni ekki sækjast eftir endurkjöri sem varaformaður Framsóknarflokksins. Sigmundur Davíð Gunnlaugsson, formaður flokksins, sækist nú eftir efsta sæti á framboðslista flokksins í Norðausturkjördæmi.
_____________________

Kemur kannski ekki á óvart þegar allt er skoðað. Það er örugglega flókið og erfitt fyrir hófsaman og dálítið gamaldags framsóknarmann að vera vera varaformaður formanns sem hefur farið offari í öfgamálflutningi og hefur átt hvern afleikinn á fætur öðrum.

Skil Birki vel að hann hætti af persónulegum ástæðum.

En að SDG skuli síðan ákveða að bjóða sig fram í NA kjördæmi er við fyrstu sýn undarlegt og ekki vel fallið til samstöðu á þeim slóðum.

Ég geri ráð fyrir að allir viti samt sem áður hvað SDG gengur til. Hann ætlar ekki að lenda í því sama og fyrrum formaður flokksins að falla í Reykjavík og hverfa af þingi. Þess vegna velur hann sér kjördæmi sem hann ætti að eiga nokkuð öruggt þingsæti, það er ef honum tekst að vinna þá sem fyrir eru í prófkjöri sem er alls ekki víst. Ekki stórmannlegt en skiljanlegt þegar maður hugsar um eigin hag en ekki flokksins.

Líklega treystir hann á frændgarð sinn fyrir austan, en þó ég viti það ekki þá finnst mér afar ólíklegt að hann eigi nokkra innkomu hjá Framsóknarmönnum á Akureyri.  

Kannski er þetta ekki eins öruggt og hann heldur.

Birkir Jón hættir á þingi

Athugasemdir

[Sigurgeir Jónsson, 23.9.2012 kl. 22:38]

Nú skelfur kratinn.