Af hverju Þóru ?

Af hverju vil ég fá Þóru Arnórsdóttur sem forseta ? Það eru margar ástæður og reyndar eru aðrir mjög frambærilegir frambjóðendur í kjöri.

Ég ætla að kjósa Þóru Arnórsdóttur af því að.....

• Ég vil forseta sem talar upp land og þjóð og hvetur til bjartsýni.
• Ég vil forseta sem er nærri fólkinu í landinu.
• Ég vil forseta sem er laus við valdagræðgi.
• Ég vil forseta sem horfir til mannlegra gilda og félagslegs öryggis.
• Ég vil foseta sem talar sama mál og ég.
• Ég vil forseta með ný gildi og áherslur.
• Ég vil forseta sem vill horfa fram veginn og nýta reynslu þjóðarinnar til lærdóms.
• Ég vil forseta sem setur embætti og sjálfum sér reglur og ramma.
• Ég vil forseta sem talar til sátta í stjórnmálum.
• Ég vil forseta sem skilur takmörk sín og virðir þjóð og þing.
• Ég vil forseta sem hvetur til sátta og friðar í þjóðfélaginu.

Allt þetta get ég fundið í Þóru Arnórsdóttur og þess vegna ætla ég að kjósa mér nýjan forseta á kjördag eftir rúma viku. 

 

Athugasemdir

[Örn Ægir (IP-tala skráð) 22.6.2012 kl. 02:40]

Þú vilt Þóru af því Samfylkingin þarf forseta sem verður eins og hundur í bandi þegar hún reynir icesave aftur fyrir Evrópusambandið. Þú vilt þóru af því Samfylkingin vill breyta stjórnaskránni og troða landinu í Evrópusambandið á móti vilja þjóðarinnar. Þer er illa við Ólaf Ragnar Grímsson vegna þess að hann lætur ekki Samfylkinguna og Vinstri Græna  komast upp með þetta en það mun Þóra gera þess vegna viltu þóru, þú ert krati!

[Jón Ingi Cæsarsson, 22.6.2012 kl. 12:40]

Forseti er ekki valinn eftir flokkslínum...Mér er ekki illa við ÓRG...hans tími er bara liðinn.

Eitthvað ertu að rugla Örn Ægir..Icesave er fyrir dómstólum og kemur aldrei aftur til kasta stjórnmála eða forseta.

Stjórnarskrá og ESB aðild fara í þjóðaratkvæði og þar hefur forseti engin áhrif.