Engin Dalsbraut á þessu ári.

Ekki er hægt að ráðast í framkvæmdir við Dalsbraut á Akureyri nema gera breytingar á skipulagi. Þetta er niðurstaða úrskurðarnefndar umhverfis- og auðlindamála.

Þetta kemur fram í frétt í Vikudegi í dag. Áður hafði nefndin stöðvað fyrirhugaðar framkvæmdir, að loknu útboði á verkinu, á meðan stjórnsýslukæra sem lögð var fram, var til meðferðar.

Það er ljóst að ekki verður byrjað á Dalsbraut á þessu ári. Þar sem breyta þarf skipulagi, auglýsa og taka ferlið frá byrjun þá er sýnt að ekki verður byrjað fyrr en næsta vor í fyrsta lagi. Framkvæmd sem þessi verður ekki unnin inn í veturinn.

Það fær bærinn svigrúm til að nýta þessa fjármuni annað. Það er ýmislegt mikilvægt sem þyrfti að klára og þar er mér ofarlega í huga að lokið verði við frágang á Krossanesbraut og Óðinsnesi og þar með koma umferð stórra bíla af Hörgárbraut, Undirhlíð og Hjalteyrargötu.

Breyta þarf skipulagi við Dalsbraut