Tjaldurinn mánuði á undan áætlun.

 

Tjaldurinn mættur í Eyjafjörðinn. Þetta par sat á steini á Knarrarnesi við austanverðan fjörðinn þann 25. febrúar og var heldur þreytulegt.

Þetta er óvenju snemmt því samkvæmt fuglamönnum er algengast að tjaldurinn mæti á svæðið seinnihluta marsmánaðar.

En tjaldurinn er samt sem áður farinn að hafa vetursetu á Vestur og Suðurlandi þannig að með hlýnandi árferði gæti það allt eins átt sér stað á Norðurlandi í framtíðinni.