Dalafýla... ekkert sérstök.

Ásmundur Einar Daðason alþm. segir í Morgunblaðinu í morgun að mikill meirihluti Íslendinga gerir sér grein fyrir því að hagsmunum þjóðarinnar er best borgið utan ESB.

Hvernig getur meirihluti Íslendinga vitað að hagsmunum þjóðarinnar sé best borgið utan sambandsins ?

Það liggur ekkert fyrir um það hvað samningur gæti innhaldið og nokkuð í að það komi í ljós.

Þetta er auðvitað ekkert annað en óábyrgur málflutningur, eigilega Dalafýla af verstu gerð. Þessi þingmaður sér andskota í öllum hornum en hefur ekki hugmynd um hvað hann er að tala. Þetta eru tilfinningapælingar og hugsanavilla af verri gerðinni.

Við skulum bara bíða og sjá hverju viðræður skila og hafa skynsemi til að þegja þangað til. Þannig vinna skynsamir stjórnmálamenn sem vilja láta taka sig alvarlega.

Svo tekur þjóðin ákvörðun en ekki þröngir hagsmunagæslumenn sem hugsa málin fyrir sig og sína.

Ásmundur Einar: Hver er staða ESB-umsóknarinnar?

Athugasemdir

[Gunnar Heiðarsson, 10.1.2012 kl. 10:36]

Dallafýla er náttúrulega sterk rök gegn Ásmundi.

Ef þið hafið ekkert sterkara til málanna að leggja, Jón, ættuð þið bara að sleppa því að tjá ykkur!

Það liggur ljóst fyrir hvað sambandið býður uppá og sá "samningur" sem þú vísar í er einungis um hversu langann tíma við fáum til að aðlaga okkur að því boði.

Það væri í besta lagi að bíða og sjá hversu hratt við þurfum að aðlaga okkur að ESB reglum, ef ekki kæmi til sú staðreynd að þessi aðlögun er þegar hafin og það af fullum krafti.

Því er ekki eftir neinu að bíða lengur, við vitum hvað við fáum, þó við vitum að sjálfsögðu ekki enn hvort evran verði í boði fyrir okkur, hvort hún verði yfirleitt til þegar möguleikar okkar til upptöku gætu orðið.

Þá er heldur ekki vitað hvernig ESB verður, reyndar er ekki lengur vitað hvernig ESB er. Það eina sem er víst að það ESB sem umsókn okkar var send til, er ekki lengur til!

[Eggert Sigurbergsson, 10.1.2012 kl. 11:07]

Stærsti hluti JÁ-ara er þegar búin að ákveða að ganga í ESB og skiptir þá engu máli hverju er til fórnað, þessi hópur veit að það er ekkert sérstakt í boði í svo kölluðu "samningum" við ESB, allir "samningar" MUNU verða ÁSÆTANLEGIR í huga þessa fólks.

Stærsti hluti NEI-ara er þegar búin að ákveða að ganga EKKI í ESB og skiptir þá engu hvaða gulrætur þeim er boðið að naga, þessi hópur veit að það er ekkert sérstakt í boði í svo kölluðum "samningum" við ESB nema kannski spennandi blekkingarleikur og ávísu á hnignun þjóðfélagsins næstu aldirnar.

Þriðji hópurinn er sá hópur sem stendur í þeirri meiningu að við séum í jólapakkaleik og eru spenntir á sjá allar gjafirnar sem búið er að lofa þeim þ.e ókeypis mat, ókeypis lánum, Brusselsku-lýðræði, betri veður-reglugerðum, afnámi verðtryggingar, ótrúlega mikið af peningum vegna botnlaus hagvaxtar næstu 1.000árin o.s.f o.s.f. Flestir í þessum hóp eru svokallaðir Buddu-hagfræðingar og JÁ-istar stunda súludans af kappi til að dáleiða þennan hóp.

Staðan er sú að 2/3 þeirra sem eru búnir að taka afstöðu segja NEI og 1/3 segir JÁ, þegar blekkingar JÁ-istana opinberast þá er eins víst að þeir sem spenntastir hafa verið fyrir pakkaleiknum verði fyrir vonbrigðum. 

[Anna Sigríður Guðmundsdóttir, 10.1.2012 kl. 11:07]

Er ESB-umsóknin landlaust rekald á hafinu milli Íslands og Evrópu, eða er hún í öðru hvorum hlutanum af kannski-framtíðar-ESB?

Ég geri mér ekki grein fyrir staðsetningu þessa ESB-umsóknar-plaggs. Það væri ábyrgðarleysi að láta sem þessi upplausn sé ekki til staðar.

Í Finnlandi kaus þjóðin gegn ESB á sínum tíma, en það var ekki farið eftir niðurstöðu þjóðarviljans í þeirri kosningu. Það er kannski ekki verra að fólk kynni sér hvort þetta sé staðreynd sem ég er að segja, áður en lengra er haldið.

Þeir sem telja sig lýðræðissinna vilja varla láta minnast verka sinna vegna ólýðræðislega vinnubragða. Ekki trúi ég að Hreyfingin sé ólýðræðislega þenkjandi, en fólk þar eins og annarsstaðar lætur kannski glepjast af lygum og blekkingum.

Minni á vef Jóhannesar Björns: vald.is

Fólk þarf að lesa nýju útgáfuna frá 2009 af bókinni FALIÐ VALD, með nýjum viðauka, til að sjá samhengi hlutanna og svikavafninganna í gegnum tíðina.

M.b.kv.