Fornaldarviðhorf í umhverfismálum.

„Hvenær verða skipaðir starfshópar til að komast að því að skynsamlegast sé að hætta hvalveiðum, taka æðardún og veiða refi?“ spyr Ásmundur Einar Daðason, þingmaður Framsóknarflokksins, á Facebook-síðu sinni í dag og vísar þar til þeirrar niðurstöðu starfshóps á vegum umhverfisráðuneytisins að friða eigi fimm tegundir svartfugls.

Þó Ásmundur Einar sé ungur maður endurspegar hann þau viðhorf sem voru til umhverfismála áður en upplýst umræða hófst og skilningur jókst á nauðsyn hugsunar og skynsemi.

Landið var ofbeitt, tegundum var útrýmt og umgengni við náttúru og lífríki var á nokkurrar hugsunar og skynsemi. 

Allt gekk út á að ofbeit, ofveiði og rányrkja væri réttlætanleg í nafni peningahyggju og græðgi. Gott dæmi um þetta er útrýming geirfuglsins á 19. öld og ofbeit landsins með tilheyrandi uppblæstri og umhverfisskaða.

Enn eru til menn sem tala á þeim nótum og umræddur þingmaður er skelfilegt dæmi um hvernig svona hugsun getur dagað uppi á 21. öldinni.

Sem betur fer fækkar svona eintökum og skilningur á því að náttúruna þurfi að virða og umgangast af varúð og skynsemi.

Líklega má hafa þessi viðhorf til sýnis, til að vara menn við því sem áður tíðkaðist og varð landi og náttúru til óbætnalegs tjóns á sínum tíma. 

Tillaga að friðun tilviljun?

Athugasemdir

[Fannar frá Rifi, 5.1.2012 kl. 16:02]

segðu okkur nú Jón Ingi framtíðarmaður, er það fornaldar legt að nýta afurðir náttúrunar? þú talar um að menn veiði hér þangað til að ekkert er eftir. hvernig hugsun er það? það er engin veiðimaður sem vill skjóta síðasta fuglin. menn vilja geta farið aftur og aftur, ár eftir ár á veiðar. farið með börn sín og barnabörn og vitað að þau muni taka sín börn á veiðar og svo koll af kolli.

þeir einu sem virðast úr tengslum við náttúruna eru menn eins og þú sem halda að maðurinn sé ekki hluti af náttúrunni og geti ekki rúmast þar. halda að ef maðurinn komi einhverstaðar nálægt þá muni himin og jörð farast. maður eins og þú hefur engan skilning á náttúrunni og enga tilfinningu fyrir henni.

það eina sem þú telur hér fram og notar sem rök er ofbeit fyrir 100 árum þegar litla ísöld ríkti enn og ef ekki var reynt að beita eins miklu og fólk gat þá svalt það. það átti kannski svelta að þínu mati?

helduru virkilega að bann við veiðum á fuglastofni sem er í vandræðum vegna skorts á fæðu muni hafa mikil áhrif þar á? helduru að þá muni allt í einu himnarnir opnast og sandsílið birtast milljóna tonna tali vegna þess að það var bannað að tína nokkur egg og skjóta nokkra fugla?

nei Jón Ingi Cæsarsson það eru engin málefnaleg eða vísindaleg rök fyrir banni á veiðum á Svartfuglum eða banni á eggjatýnslu. nema þá til þess að aðlaga íslensk lög að ESB lögum. en eins og oft áður þá eru eld heitir ESB sinnar eins og þú alltaf tilbúnir að ljúga og breiða yfir sannleikan til þess að réttlæta og fegra eigin málstað. maður hálf vorkennir ykkur að trúa því að almenningur í þessu landi sé svo vitlaus að hann sjái ekki í gegnum ykkur og að þið trúið því virkilega að með slíkum rökum muni þið vinna málstað ykkar fylgis. 

[Haukur Kristinsson (IP-tala skráð) 5.1.2012 kl. 16:16]

En það absurda er að Ásmundur Einar kemst á þing í framboði flokks, sem kennir sig við græna umhverfisstefnu og respekt fyrir öðru en “virkjunum” og gróða. Síðan laumast þessi redneck í skjóli nætur til hækjunnar, þar sem hans Geistesbrüder eru til húsa, er því á réttum stað hvað það varðar. En að svona hillbilly skuli sitja á okkar Alþingi er okkur Íslendingum  til skammar.

[Sigurður Baldursson (IP-tala skráð) 5.1.2012 kl. 16:29]

Það eru margir hillibyllar á alþingi og Ásmundur fer ekki fremstur í flokki þar. Þeir sem vita eitthvað um svartfuglinn vita að þó að egg séu tekin frá honum þá verpir hann aftur, allt að 3svar sinnum ef hann þarf. Það  kemur mér samt ekki á óvart að þessar tillögur skuli koma fram hjá kaffihúsaliðinu í 101 Reykjavík, og að varðhundarnir á Oddeyrinni gelti með.    

[hilmar jónsson, 5.1.2012 kl. 16:51]

Held að Haukur #2 sé alveg með þetta....

[Gunnlaugur Ingvarsson (IP-tala skráð) 5.1.2012 kl. 17:53]

ESB sinnar hafa alveg sérstaka nautn af því að bölsóttast út í Dalabóndann unga Ámund Einar Daðason sem situr einnig á Alþingi. Sérstaklega hatast þeir út í hann af því að hann er jafnframt formaður Heimssýnar sem eru þverpólitísk fjöldasamtök sjálfsstæðissinna og berjast gegn ESB aðild, fjöldasamtök með einstaklinga alls staðar að úr þjóðfélaginu með yfir 6000 skráða félagsmenn. Vissulega var Ásmundur Einar kjörinn á þing fyrir Vinstri hreyfinguna grænt framboð, sem barðist gegn ESB aðild þjóðarinnar. Hann átti því eins og margir fleiri þingmenn og stuðningsmenn flokksins líka, ákaflega erfitt með að sætta sig við að það kosningaloforð sem flokkurinn hans hafði barist fyrir og hann líka lofað sínum kjósendum að berjast fyrir var svikið skömmu eftir kosningarna 2009. Hann var þó áfram í flokknum um sinn og ákvað að reyna að berjast fyrir hugssjónum sínum og flokksins þar, en eins og Atli Gísla og Lilja Móses ákvað hann á endanum að betra væri að berjast á öðrum vígsstöðvum þar sem sífellt hhalaði á og flokksforysta VG varð sífellt handgengnari ESB trúboðinu í Samfgylkingunni. Því fór hann úr flokknum og gekk til liðs við mikið endurnýjaðan Framsóknarflokk, sem berst nú harður gegn ESB aðild. Mér finnst það bara allt í lagi sjálfur studdi ég VG eins og fleiri þúsund manns gerðu í síðustu kosningum einmitt útaf einarðri ESB stefnu flokksins. Margir þeirra hafa nú hætt stuðningi við ESB og margir sagt sig úr flokknum bæði margir framámenn þar og einnig fjöldinn allur af óbreyttum flokksmönnum.

Ásmundur er duglegur bóndi, sem margir hatast líka við hann fyrir. Hann býr og starfar í náttúrunni og auðvitað er hann sannur náttúruverndarsinni og lifir í sátt og samlyndi við sitt umhverfi og með virðingu fyrir náttúru Dalamanna og landsins alls.

Það hníga akkúrat enginn rök fyrir þessu svartfugls veiði- og eggjatýnslu banni. Hvorki vísindaleg né önnur rök. Með þessum ummælum sínum er hann bara að vekja athygli á því og sýna fram á hvurslags öfga vitleysa og sýndarmennska er í svona heimskulegri gerfi náttúrufriðun !