Úrgangsmál á Akureyri.

Ég ákvað að láta á það reyna hvort sveitastjórnum væri heimilt að geðþótta að láta íbúa bera eða aka úrgangi á flokkunarstöðvar.

Ég sendi erindið til úrskurðarnefndar hollnustumála og nú liggur fyrir niðurstaða.

Sveitastjórnum er heimilt að taka um það pólitískar ákvarðanir að fella niður úrgangshirðu við heimahús og láta íbúa bera heimilsúrganginn á flokkunarstöðvar, staðsettar að geðþótta þeirra.

Hér á Akureyri tók L-listinn þá pólitísku ákvörðun að íbúar á Akureyri beri hluta af heimilsúrgangi í flokkunarstöðvar, gáma frá Gámaþjónustunni. Þar með var Akureyri sett í aftasta sæti þeirra sveitarfélaga sem hafa tekið upp flokkun.

Samkvæmt þesssu úrskurði sýnist mér að hægt sé að hætta allri þjónustu við heimahús og láta íbúa bera allan úrgang á flokkunarstöðvar.

Það verður kannski næsti leikur hjá L-listanum?

Í öllum þeim sveitarfélögum sem hafa tekið upp þetta fyrirkomulag er sett sérstök tunna fyrir flokkanlegan úrgang, málma, plast, pappa og fleira.

Ekki á Akureyri. L-listinn tók þá pólitísku ákvörðun að skerða þjónustu við bæjarbúa frá því sem áður var ákveðið af fyrri meirihluta.

Samkvæmt lögum er þeim þetta heimilt og þjónustustig íbúa er því undir metnaði hverrar bæjarstjórnar upp á hvað er boðið.

Þetta mega þeir samkvæmt lögum og þeir nýta sér þá heimild til þjónustuskerðingar.

Það bíður því nýs meirihluta að breyta þessu til þess nútímahorfs sem unnið er með í metnaðarfullum sveitarfélögum.