Tvískinnungur ESB andstæðinga.

 

Það er rannsóknarefni að fylgast með málflutningi ESB andstæðinga.

Þeir segja: Íslendingar eru að afsala sér sjálfstæði sínu með því að fara í ESB.

Ég spyr: Eru Danmörk, Svíþjóð og Finnland ekki sjálfstæðar þjóðir að þeirra mati ?

Þeir segja: Það á að hætta við aðildarumsókn að ESB því þjóðin er að afsala sér sjálfstæði með því að sækja um aðild að ESB.

Ég spyr: Af hverju vilja andstæðingar aðildar að ESB svipta þjóðina því sjálfstæði að ákveða framtíð sína sjálf í þjóðaratkvæði en vilja þess í stað ákveða þetta í bakherbergjum stjórnmálaflokkanna eins og var í gamla Íslandi.

Þetta er órtúlegur tvískinnungur og ótrúlegt að þeir sjá ekki sjálfir þvílíkt mótsögn er í þessum kjánalega málflutningi.

Það er sjálfstæði að fá að ráða framtíð sinni sjálfur ..... þess vegna eru það í reynd ESB andstæðingar sem vilja svipta þjóðina því sjálfsagða lýðræði og sjálfstæði að ákveða framtíð sína sjálf í ÞJÓÐARATKVÆÐI.

 

Samið fyrirfram um ESB umsókn

Athugasemdir

[Helgi (IP-tala skráð) 29.10.2011 kl. 22:11]

Sæll.

Hér snýrð þú öllu á hvolf. Er það viljandi eða óviljandi?

Hvers vegna heldur þú að Brussel ætli sér að setja á okkur refsiaðgerðir um áramótin? Er það vegna þess að Belgar eru svo mikil fiskveiðiþjóð? Nei, það er vegna þess að Brussel fer með samningavaldið fyrir einstakar þjóðir í makríldeilunni. Sennilega væri fyrir löngu búið að klára þessa makríldeilu ef við ættum bara í viðræðum við Skota enda þeir skynsöm þjóð öfugt við skriffinnana í Brussel. Skotar geta ekki átt í tvíhliða viðræðum við okkur. Finnst aðildarsinnum ekkert bogið við framkomu ESB við okkur í makríldeilunni og Icesave málinu? Sýna þessi mál að hag okkar verði borgið innan ESB? Fór ESB eftir eigin reglum í Icesave?

Þú talar um sjálfstæði. Sjálfstæði er t.d. að ákveða sína stýrivexti sjálf og reyna að hafa þá þannig að þeir henti okkur. Það geta Finnar ekki. Verið er að pressa þing aðildarþjóðanna til að setja pening í björgunarsjóðinn. Sú pressa kemur frá Brussel, Berlín og París. Þegar rætt hefur verið um að bjarga evrunni hafa bara Frakkar og Þjóðverjar rætt saman. Er það ekki merki þess að þessi tvö ríki ráði í raun öllu innan ESB? Hin ríkin fá svo bara fyrirmæli. Er það lýðræði? Hvaða völd hefur svo Evrópuþingið? Hver kaus Barroso? Hver kaus Ashton?

Nú er búið að koma málum þannig fyrir innan ESB að atvinnulaus Pólverji t.d. getur flust til Bretlands, skráð sig þar og þegið atvinnuleysisbætur án þess að hafa unnið handtak þar. Bretar geta ekki stoppað þetta. Í þessu máli, og mörgum öðrum, ráða ríkin sem mynda ESB ekki eigin málum. Ef 3000 Lettum dytti í hug að flytja hingað og þiggja atvinnuleysisbætur getum við ekki stoppað það vegna aðildar okkar að EES. Hér skerðir EES samningurinn getu okkar til að taka ákvarðanir í okkar málum.

Hvaða andstæðingar aðildar vilja ekki þjóðaratkvæði? Það er vitað hvernig sú atkvæðagreiðsla færi nú enda logar ESB stafnanna í milli. Þú kannski manst hvað Frattini var ánægður eftir fundinn fyrir fáeinum dögum. Sá fundur leysti ekki neitt.

Þú segir réttilega að það sé sjálfstæði að fá að ráða málum sínum sjálf. Íbúar ESB fá það ekki í mörgum málum enda Brussel í visku sinni sem ákveður það. Sjá hér:

http://www.npr.org/2011/10/27/141769979/greeks-fear-they-are-losing-their-sovereignty

Steingrímur er álíka slappur og Bjarni, þessir menn vilja bara vera við völd en er alveg sama um málefnin.

[Ormur Karlsson (IP-tala skráð) 29.10.2011 kl. 22:12]

Ég man ekki betur en það hafi verið núverandi ríkisstjórn sem svipti þjóðina því sjálfsagða lýðræði að fá að kjósa um það hvort sækja ætti yfir höfuð um ESB aðild þannig að það þýðir lítið fyrir þig að slá um þig með þessu.

[Gunnar Heiðarsson, 29.10.2011 kl. 22:13]

Þessar þjóðir eru EKKI sjálfstæðar Jón Ingi. Sannasta dæmið um það er það vald sem ESB hafði yfir Finnum, vegna stækkunar "björgunarsjóðsins".

Þeir sem halda því fram að þær þjóðir sem eru innan ESB, sérstaklega evrusamstarfsins, séu sjálfráða, hafa ekki séð eða heyrt það sem fram hefur farið inna ESB á undanförnum mánuðum.

Íslendingar VORU sviptir því sjálfstæði að ákveða framtíð sína þegar aðildarumsókninni var nauðgað gegnum Alþingi, famhjá þjóðinni. Það var þar sem lýðræðið var þverbrotið. Það var þar sem landráðið fór fram!!

[Helga Kristjánsdóttir, 29.10.2011 kl. 22:33]

 Það eru þjóðhollir menn í öllum flokkum nema Samfó. þökk sé þeim í VG.flokknum  sem blöskrar aðfarir Steingríms og félaga.

[Sigurður Þorsteinsson, 29.10.2011 kl. 22:39]

Þegar ég er spurður af bæði nemendum mínum og þeim sem til mín leita varðandi ESB bendi ég þeim að kynna sér allar hliðar málsins. Þegar ég er spurður um rökin fyrir ESB, mæli ég með því að fólk lesi bloggið þitt, og Magnúsar Björgvinssonar. Ég þykist alltaf vera jafn undrandi þegar fók spyr mig: ,,Er það ekkert meira en þetta" og þá svara ég ,,nei". Þetta er allt.

Þú verður að halda áfram að skrifa, og af jafn mikilli dýpt og þú hefur alltaf gert. Þá er ég alveg viss um að niðurstaða afgreisðunnar um ESB verður þjóðinni til heilla. Jón, þú ert alveg ómissani í baráttuna!!! 

[Jón Frímann Jónsson, 30.10.2011 kl. 00:03]

Landráðum andstæðinga Evrópusambandsins eru engin takmörk sett á Íslandi. Vinnandi gegn þjóð og almenningi með málflutningi sínum.

[Sleggjan og Hvellurinn, 30.10.2011 kl. 00:58]

Sæll Helgi.

"Sennilega væri fyrir löngu búið að klára þessa makríldeilu ef við ættum bara í viðræðum við Skota enda þeir skynsöm þjóð öfugt við skriffinnana í Brussel."

http://www.mbl.is/frettir/innlent/2011/10/18/skotar_gagnryna_faereyinga/

http://www.dv.is/frettir/2011/6/28/sjavarutvegsradherra-skotlands-aefur-krefst-adgerda-strax/

[Vendetta, 30.10.2011 kl. 03:31]

Það er rétt hjá Gunnari. Svíþjóð, Finnland og Danmörk eru ekki sjálfstæð ríki. Það eru engin ESB-aðildarríki (að Þýzkalandi undanskildu). Þau eru aðeins sjálfstæð að nafninu til. Og varla það.

Ég vil ennfremur taka undir með Sigurði Þorsteinssyni. Bloggskrif Jóns Inga, Sigurðar M. Grétarssonar og margra fleiri ESB-sinna er vatn á myllu okkar ESB-andstæðinga. ESB er í dauðateygjunum en özlar áfram á hækjunum. Og ESB-sinnarnir halda áfram áróðrinum, en verður lítið ágengt.

"Landráðum andstæðinga Evrópusambandsins eru engin takmörk sett á Íslandi. Vinnandi gegn þjóð og almenningi með málflutningi sínum."

Þessar setningar Jóns Frímanns eru jafn óskiljanlegar og bloggfærsla Jóns Inga. Enda hreint bull.

[Sleggjan og Hvellurinn, 30.10.2011 kl. 10:27]

Góður Vandetta.

Fín heimildarvinna.....    hvað varstu lengi af þessu?

[Stefán (IP-tala skráð) 30.10.2011 kl. 11:00]

Þekkir enginn muninn á þjóð og ríki?

http://is.wikipedia.org/wiki/Þjóð

Þjóðirnar á Norðurlöndum eru sjálfstæðar. Spurning hvort ríkin séu það, ég er svo vera. 

[Sigurður M Grétarsson, 30.10.2011 kl. 12:30]

Helgi. Þarna skautar þú framhjá mikilvægum atriðum varðandi rétt atvinnulausra einstaklinga til að fara til annars lands innan ESB til atvinnuleitar.

Í fyrsta lagi þá er það landið sem þeir koma frá sem greiðir atvinnuleysisbæturnar þannig að þó 1.000 atvinnulausir Lettar kæmu hingað til atvinnuleitar þá hefðum við ekki kostað af því. Við hefðum hins vegar tekjur af því. Það væri engin akkur í því fyrri atvinnulausa Letta að koma hingað á atvinnuleysisbótum því þeir fengju þá upphæð sem er í Lettlandi og fengju því enga hækkun á bótum en væru aðeins í landi með mun hærra verðlag.

Í öðru lagi þá er þessi réttur aðeins í þrjá mánuði. Hafi viðkomandi ekki fengið vinnu eftir þrjá mánuði verður hann að fara til baka til síns heimalands vilji hann halda rétti sínum til atvinnuleysisbóta.

Vandette. Ég þakka þér að hampa mér með þeim hætti sem þú geir hér og hugsanlega víðar í blogginu þar sem ég hef ekki séð til. Hvað varðar skrif þín og annarra um mein ófjálfstæði ESB þjóða þá snýst sjálsftæði og fullveldi ekki um tilteknar leiðir þjóða í efnahagsmálum. Sjálfstæði og fullveldi snýst um að hafa sem mest áhrif á framtíð sína. Með vaxandi samstarfi þjóða heims á ýmsum sviðum getur engin ein þjóð farið sínu fram eins og henni sýnist án þess að einangrast frá öðrum þjóðum heimsins og lenda jafnvel í efnahagsþvíngunum með rýrnandi lífskjörum ef hún vill ekki taka þátt í aðgerðum til að leysa sameiginlegan vanda heimsins eins og til dæmis í umhverfismálum eða ef stjórnvöld koma þannig fram við þegna sína að það brjóti gegn alþjóðlegum mannréttindasáttmálum.

Því er það svo að þjóðir hafa best áhrif á framtíð sína með því að beita áhrifum sínum innan alþjóðasamfélagsins með því að taka þátt í að móta alþjóðasáttmála og aðra fjölþjóðasáttmála og koma þar sínum sjónarmiðum á framfæri. Í flestum alþjóðastofnunum og fjölþjóðastofnunum er reynt að taka tillit til allra aðildarþjóða og á það sérstaklega við um ESB þar sem alltaf er reynt til þrautar að ná 100% samkomulagi og mikil hefð fyrir því að teygja sig ansi langt í þeirri viðleytni áður en farið er að láta reyna á atkvæðavægi.

[Vendetta, 30.10.2011 kl. 12:45]

Hvellur: Í fyrsta lagi heiti ég Vendetta og í öðru lagi er rétt að segja lengi að þessu, ekki af þessu. Það er mikilvægt að skrifa vandaða íslenzku, því að það er ennþá okkar sameiginlega tungumál. Við erum ekki enn tilneydd til að tala tungumál herraþjóðar (þýzku). En ef af ESB-aðild verður, þá er aldrei að vita hvað mun gerast eftir nokkra áratugi.

Varðandi orð Jóns Inga og Jóns Frímanns, þá þarf ekki að vitna í Wikipedia til að sjá að þetta eru öfugmæli. En ef þú vilt tilvitnanir, þá vil ég vitna í nýlega íslenzka orðabók Eddu frá 2005, 3. útg., 3. prentun:

landráð HK FT 1 lögfr. brot gegn öryggi eða sjálfstæði ríkis út á við eða inn á við, föðurlandssvik.

landráðamaður KK 1 maður sem svíkur land sitt, föðurlandssvikari.

Þessar skilgreiningar smellpassa á það sem ríkisstjórnin er að gera, sölsa landið undir ESB-ríkið.

Ég vil einnig vísa í greinar 86 - 93 og grein 97 í X. kafla almennra hegningarlaga sem fjalla um landráð og fangelsisrefsingum við því, og hvet ykkur til að lesa þau vel og vandlega. Ég get ekki afritað þessi lög og sett það inn hér, því að þau eru of löng fyrir einfalda athugasemd (um 600 orð). En þegar þessi landráðalög eru lesin hljóma þau keimlík stefnu ríkisstjórnarinnar um aðild að ESB. Þannig hafa stjórnarflokkarnir tveir gert sig seka um landráð og ætti að ákæra fyrir landráð. En það er erfitt því að í 97. grein segir að ekki sé hægt að höfða mál fyrir landráð nema dómsmálaráðherra segi svo fyrir. Og Ögmundur er meðsekur, þar eð hann er einn valdamesti ráðherrann í þessari ríkisstjórn.

Hvellur, ég veit hvað þú gætir skrifað núna, nefnilega: "Það stendur ekkert um landráð í stjórnarskránni, og hegningarlögum má breyta með einföldum meirihluta á þingi. Þess vegna getur ríkisstjórnin látið fella þessi lög úr gildi eða látið setja inn undanþágur, áður en aðildarsamningurinn er undirritaður." Það er laukrétt og þetta veldur áhyggjum.

Hins vegar er ákvæði um ráðherraábyrgð í stjórnarskránni. Og svo tengdum lögum um Landsdóm. Vandamálið við þau gölluðu lög er að það er Alþingi sem ákvarðar hvort skal dæmt og hvern skal ákæra. Það er eins og að kæra lögregluna til lögreglunnar. Ekkert mun gerast, því þetta er sami aðilinn. 

[Vendetta, 30.10.2011 kl. 13:05]

Sigurður M.: Vandamálið með ESB er að það er ekki lengur viðskiptabandalag eins og EBE var og sem EFTA er ennþá. Og sem EES er að miklum hluta til. Það er það sem þú ert að lýsa, viðskiptabandalagi, ekki miðstýrðri, yfirþjóðlegri stofnun (eða stofnunum) sem ESB er í raun.

Ég hef ekkert á móti EES-samningnum, nema hvað sá samningur ætti einungis að greiða fyrir reglum og tilskipunum sem einungis viðkoma viðskiptum, samskiptum og tengdum atriðum. Ég er hlynntur frjálsum viðskiptum við allar þjóðir (tvíhliða samningum), einnig við ESB-ríkið án þess þó að landið verði aðildarríki.

Auk þess er ég hlynntur frjálsri samkeppni og virkilega andsnúinn allri spillingu sem íslenzka þjóðfélagið er gegnsósa af. Þetta verðum við að koma á fót hér á landi, þrífa til. Síðan getum við íhugað hvort það eigi að gera umbætur á EES-samningnum eða halda honum eins og hann er. Það þýðir ekkert að fara að aðlaga sig og renna saman við sambandsríki, sem er alveg jafnspillt (þá er ég að tala um ESB-báknið, ekki aðildarríkin hvert fyrir sig). Það er eins og að flýja heimili sitt sem stendur í ljósum logum og leita skjóls í öðru og stærra brennandi húsi. Með harðlæstum rimlagluggum.

[Sigurður Haraldsson, 30.10.2011 kl. 13:50]

Ekkert ESB lifi lýðræðið og framtíð landsins!

[Sigurður M Grétarsson, 30.10.2011 kl. 13:55]

Vandette. Það er einfaldlega rangt hjá þér að ESB sé einhver yfirþjoðlega stofnun. Þetta er einfaldlega félagsakapur 27 sjálfstæðra og fullvalda lýðræðisríkja í Evrópu sem hefur það markmið að bæta lífskjör í öllum aðildarríkjum sínum auk þess að stuðla að friði milli aðildrlríkja. Það hefur náðs mikill árangur í báðum þessum efnum en vissulega er það ekki allt ESB að þakka en ESB á stóran hlut í því. Það eru aðildraríki ESB sem stjórna ESB en ekki öfugt og því er það frekar öfugsnúið að tala um að þú sért að gagrýna ESB en ekki aðildarríki þess.

Það að taka þátt í þessu samstarfi við vinaþjóðir okkar í Evrópu á ekkert skylt við það að ganga yfðrþjólegu valdi á hönd eða færa sjálsftæði eða fullveldi Íslands undir erlenda aðila. Þess vegana á orðið "landráð" ekki á nokkurn hátt heima í þessari umræðu. Það er ansi lélegt þegar menn geta ekki deilt um þau málefni sem við þurfum að takast á við eins og það að taka afstöðu til aðildar að ESB án þess að viðhafa lafn auðvirðilegt og lágkúrulegt skítkast eins og að kalla þá sem eru manni ósammáal "landráðamenn". Gleumdu því ekki í þessu samanai að slíkur rógburður varðar við lög og ég get lofað þér því að ef einhver sem þu kallar landráðamenn fyrir það eitt að vilja að Ísland gangi í ESB kærir þig fyrir meiðyrði þá eru 100% líkur á því að hann vinni það mál enda slík ummæli ekki á nokkurn hátt verðskulduð. Það mun þá kosta þig nokkur hundruð þúsund kall. Það varðar einfalega við lög að kalla mann "landráðemann" að ósekju eins og þú og margir ESB andstæðingar eruð að gera.

Ef þú virkilega trúir því að þetta orð eigi við um menn sem vilja að Ísland gangi í ESB þá ert þú klárlaga haldinn miklum ranghugmyndum um ESB og þyrftir því klárlega að kynna þér málið betur áður en þú verð að tjá þig um það á opinberum vettvangi.

[Vendetta, 30.10.2011 kl. 14:16]

Jæja, er það? En segðu mér, Sigurður, hvað finnst þér þá um ummæli vinar þíns Jóns Frímanns í athugasemd #10? Gætum við ESB-andstæðingar þá ekki farið í mál við hann? Og unnið það mál auðveldlega?

[Ómar Bjarki Kristjánsson, 30.10.2011 kl. 14:20]

Málið er það að Anti-EU arar eru verulega þjáðir af öfgum og ofstopa allrahanda. Margir liggja á öfga BNA hægri síðum, oft samsæriskenndum, og hafa sína ,,mentun" þaðan og eiga sér draum um að þvinga ójafnaðarkerfi BNA uppá Ísland. Sorglegt lið.

[Vendetta, 30.10.2011 kl. 14:38]

Hvaða vitleysa, Ómar. Þótt margt sé ágætt í Bandaríkjunum, þá óska ég alls engra bandarískra yfirráða eða afskipta hér á landi. Og sömu sögu er að segja um aðra ESB-andstæðinga á Moggablogginu. Ef við óskuðum þess, þá værum við hræsnarar. Sem við erum að sjálfsögðu ekki.

Í öðru lagi er ég fyrir mitt leyti ekki öfgamaður, varla mjög hægrisinnaður heldur. Enda þótt ég sé ómyrkur í máli varðandi opinbera stjórnsýslu á Íslandi. Ég hef t.d. aldrei greitt Sjálfstæðisflokknum atkvæði mitt og heldur ekki Framsókn. Ég aðhyllist félagslynda frjálshyggju eins og ég hef skrifað áður, sem því miður engir flokkar á þingi hafa sem stefnu. Þess vegna er ég andsnúinn ESB-aðild, en er hlynntur því að gerð verði þjóðfélagsleg (óblóðug) bylting hér á landi, þ.e. að það verði hreinsað út í allri stjórn- og fjársýslunni, enda ekki vanþörf á.

Það sem ríkisstjórnin á að gera er að draga aðildarumsóknina tilbaka, stöðva aðlögunarferlið, hætta við ofsköttun sem skila engu nema meiri fátækt og byrja undireins að byggja upp atvinnuvegina/gjaldeyrisskapandi útflutningsiðnað og þar með líka velferðarkerfið, sem byggir á rauntekjum ríkisins.

Og gera tvíhliða viðskiptasamninga við ESB-ríkið jafnt á við önnur ríki heims, sem eru hagstæðir fyrir okkur. En enga aðild að ESB.

[Ómar Bjarki Kristjánsson, 30.10.2011 kl. 15:23]

Já, þetta er bara bla bla útí loftið hjá þér. Ekkert raunsæi, engin jarðtenging. Ekkert.

Auk þess sem þetta á við Anti-EU ara almennt. það er nóg að lesa moggabloggið til að sjá að margir eru illa þjáðir af öfgum og ofstopa í stórum mæli. Og í framhaldi er ruglið í þeim eftir því. Mogganum er svo stýrt af sömu ruglöflum g fleiri fjölmiðlum. Td. er stórfyndið að lesa stundum svokallað viðskiptablað. Ennfremur að horfa á Sjallastöðina INN og ofstopan og bullið sem veður þar uppi. Myndi tæplega lýðast í venjulegum löndum. En hérna hrópa menn amen og hallelúja yfir allskyns fávisku og ofstopa td. af mönnum sem heita ,,vandetta".

[Vendetta, 30.10.2011 kl. 18:13]

Ómar Bjarki, ég horfi aldrei á ÍNN. Og ég get alveg hugsað sjálfstætt, ólíkt einfeldningnum Sigurði M. Grétarssyni, sem ekki getur svarað spurningu minni án þess að komast í mótsögn við sjálfan sig. Bullið í manninum um ESB sýnir að hann hefur ekki hugmynd um neitt, enda er þetta sem hann skrifar eins og copy-paste frá þvælunni í Össuri.

Ég veit ekki frá hvaða plánetu Sigurður M. Grétarsson er, en hann er augsýnilega ekki í tengslum við raunveruleikann. Ekki frekar en aðrir sem eru flokksbundnir í Samfylkingunni. En það er hægt að skemmta sér yfir bullinu í honum.

[Sigurður Haraldsson, 30.10.2011 kl. 18:14]

Flottur Vendetta.

[Sigurður M Grétarsson, 30.10.2011 kl. 18:25]

Vandette. Orð Jóns Frímanns um landráð eru jafn óviðeigendi og þín orð um það.

Það er ekkert aðlögunarferli í gangi vegna ESB umsóknar okkar heldur aðeins umsóknarferli. Það er því engin þörf að stöðva aðildarumsókn okkar til að stöðva eitthvert aölöogunarferli.

Það eru engar líkur á að við getum gert hagstæðari samninga við önnur ríki heldur en ESB enda eftir taslverðu meira að slægjast fyrir ríki heimsins að komast inn á 500 milljóna manna markað ESB heldur en inn á okkar 300 þúsund manna markað. Eins munum við aldrei fá eins hagstæðan aðgang að mörkuðum ESB með tvíhliða samningum eins og við fáum með ESB aðild. Svo skulum við ekki gleyma því að það er ekki nóg að gera viðskiptasamninga heflur þarf líka að fylgjast með því hvort samningsaðilar standi við sinn hluta samningsins og fylgja brotum þeirra á honum eftir með hótunum um aðgerðir haldi þeir áfram að brjóta samninginn. Í því efni er engin spurning að í fyrsta lagi er það mjög dýrt að fylgjast með því að samningríki okkar standi við sína samninga og mun ódýrara að gera það í gegnum ESB auk þess sem slagkraftur ESB ríkja er mun meiri en okkar í því að knýja samningsríki okkar til að virða samninginn. Ef við erum í ESB og ríki brjóta samninga á okkar útflutningfyrirtækjum þá er mun auðveldara að þvinga þau til að virða samninginn með því að beita ESB fyrir okkur heldur en að standa sálfir í því.

Hækkun skatta hjá okkur hefur dregið verulega úr halla á ríkissjóði og það hefur meðal annars leitt til lækkunar vaxta. Staða okkar væri því mun verri og við byggjum við mun verra velferðarkerfi ef við hefðum ekki farið þá þeið.

[Ómar Bjarki Kristjánsson, 30.10.2011 kl. 19:40]

,,Og ég get alveg hugsað sjálfstætt, ólíkt einfeldningnum Sigurði M. Grétarssyn"

Eg er sammála SMG í aðalatriðum í útleggingum hans varðandi EU og aðild Íslands þar að. Í öllum aðalatriðum.

þinn málflutningur er hinsvar mótaðaður af faktorum sem ég nedni áður og óþarfi að endurtaka.

Málið með ykkur EU-Hatara er, að þið eruð búnir að færaumræðuna svo langt til últra-hægris eða öfgakennds málflutnings - að hófsemi er mikið fyrirlitningaratriði hjá ykkur.

Eða, til samlíkingar, hvar er miðjan í EU umræðunni? Mitt á milli Davíðs Oddssona og Bjarna Ben eða?

Þessi EU umræða á íslandi sem EU-Hatarar standa fyrir er útúr öllum kortum. þetta er miklu öfgafyllra hjá ykkur en málflutningur öfgaflokka eins og Sannra finna og annara öfgaafla í Evrópu.

[Ómar Bjarki Kristjánsson, 30.10.2011 kl. 19:44]

Edid: ,,þinn málflutningur er hinsvegar mótaðaður af faktorum sem ég nefdni áður og óþarfi að endurtaka."

Og ps. Ennfremur setur maður spurningamerki við mann sem heitir ,,Vendeta" heilt yfir. Why? Jú, þarf ekki annað en fletta uppí wikipedia:

,,After dispatching most of the Fingermen, V heads to a rooftop with Evey and detonates a bomb at the Houses of Parliament."

[Sigurður Haraldsson, 30.10.2011 kl. 20:01]

Nú segi ég til hvers að eyða öllum þessum tíma peningum og krafti í að ræða við ESB þegar ljóst er að aðild verður felld i kosningum?