Formannstíð Bjarna á enda ?

Sjálfstæðisflokkurinn var að fara af stað með kynningu á efnahagstillögum sínum í dag. Blaði er dreift á landsvísu og Bjarni formaður mætti í útvarp í morgun og ætlaði að ná jákvæðri umræðu.

En það hefur snúist í höndum hans og þess í stað hefur hann orðið að svara forsíðufrétt um tengsl sín við Vafninga og óþægileg mál sem tengjast svikum með Sjóvá.

Í dag hafa fjölmiðlar tengt saman þessa vondu uppákomu fyrir Bjarna hugleiðingum um að Hanna Birna muni sækja að honum í formannskjöri og þessar uppákomur í dag tengist því að Bjarni verði sleginn af á landsfundi flokksins í nóvember.

Síðast þegar formaður Sjálfstæðisflokksins læddist Davíð Oddsson aftan að Þorsteini Pálssyni og stakk hann í bakið pólitískt.

Svipuð uppákoma virðist í uppsiglingu að  þessu sinni og fylgismenn Hönnu Birnu eru að brýna hnífana og virðast ætla að slá BB af með atlögu í næsta mánuði.

Hverjir standa svo að baki Hönnu Birnu er ekki fulljóst en miðað við vinnubrögðin er ekki ósennilegt að Mórinn í Hádegismóum eigi þar aðkomu.

Hann kann aðferðina.

Raunhæfar efnahagstillögur

Athugasemdir

[Guðjón Sigþór Jensson, 19.10.2011 kl. 22:09]

Báðir formenn stóru stjórnarandstöðunnar eru fulltrúar braskaranna og afglapanna sem ábyrgð bera á bankahruninu. Nánir ættingjar þeirra beggja högnuðust ótæpilega á kostnað annarra sem töpuðu sparnaði sínum í formi hlutabréfa.

Sennilega verður sögulegt uppgjör á næsta landsfundi Sjallanna. Best að öllu væri að leggja fram tillögu um að leggja Flokkinn niður. Hann á smám saman heima á öskuhaugum sögunnar ásamt Framsóknarflokknum.

Góðar stundir en án Frammarra og Sjalla!

Mosi