Skinhelgi eða fávísi ?

 

Enginn ágreiningur er innan þingflokks Vinstri grænna um að Ísland beri að segja sig úr Atlantshafsbandalaginu. Þetta segir Einar Ólafsson, skáld og rithöfundur, en hann lagði fram ályktun á flokksráðsfundi VG þar sem loftárásir NATO í Líbíu voru fordæmdar.

Nató var falið að vinna þetta verk fyrir Sameinuðu þjóðirnar. Nató tók ekki sjálfstæða ákvörðum um að tryggja að hersveitir Gaddafi gengju milli bols og höfðuðs á almennum borgurum og þeim sem reyndu að berjast gegn yfirráðum einræðisherrans.

Ef VG liðar vilja hengja einhvern fyrir loftárásir á Líbíu þá eiga þeir að beina gagnrýni sinni að Öryggisráði Sameinuðu þjóðanna en ekki gegn Nató sem var í vinnu hjá SÞ við að framfylgja flug og árásabanni í Líbíu.

Hvernig geta hlutir skolast svona til hjá stjórnmálaafli sem vill láta taka sig alvarlega ?

 

Einhugur í VG um úrsögn úr NATO

Athugasemdir

[Rauða Ljónið, 29.8.2011 kl. 22:58]

Þetta sagði Álfheiður Ingadóttir um þetta mál m.a. í mars 2011 á Alþingi:
"Ég bind miklar vonir við það, frú forseti, að öryggisráðið sem situr nú á fundi nái í dag langþráðri niðurstöðu um frekari aðgerðir til að verja líbísku þjóðina gegn hernaði Gaddafís. Vopnasölubannið og aðrar þær aðgerðir sem voru ákveðnar í febrúar sl. hafa því miður ekki haft mikið að segja því að þvert á vonir um að Gaddafí mundi víkja fyrir lýðræðisbylgjunni hefur hann lagt undir sig hvert vígið á fætur öðru og nú bíða menn þess að Bengasí falli og í kjölfarið óttast menn, með réttu, víðtækar hefndaraðgerðir og jafnvel þjóðarmorð.

Því má það ekki dragast lengur, ekki deginum lengur, að það verði látið á það reyna í endanlegri atkvæðagreiðslu í öryggisráðinu hvaða þjóðir það eru sem þar munu beita neitunarvaldi gagnvart því að koma líbísku þjóðinni til hjálpar. Það er mín skoðun að á það verði að reyna fyrst því að ég tel ekki að Bandaríkjamenn einir eða með viljugum þjóðum eða NATO sem slíkt eigi að fara inn í annað arabaríki án samþykkis og ákvörðunar Sameinuðu þjóðanna.

[Óðinn Þórisson, 30.8.2011 kl. 07:10]

Þingflokkur VG er nýbúinn að álykta gegn iðnaarráðherra til forsætisráðherra og þetta með rannsókn á stuðningi Íslands við loftárásir Nato á Lýbú er beint gegn utanríkisráðherra.
Þokkalegur samstarfsfokkur það - það var ekki hægt að skylja orð MOS öðruvísi en svo að langlundargeði margra sf - manna gagnvart VG sé á þrotum.