Hver er munurinn ? Nú munum við sjá tvískinnung í lagi.

 

Ég bíð spenntur eftir að sjá viðbrögð hinn háværu ESB andstæðinga sem ásaka þá sem vilja inn í bandalagið um að selja sjálfstæði þjóðarinnar og auðlindirnar.

Kannski finnst þeim allt annað mál að selja auðlindir og land beinni sölu til t.d. Kínverja og missa þar með öll yfirráð yfir þeim hlutum landsins sem seldir verða.

Grímsstaðir er ein stærsta jörð landsins og hefur alltaf verið í eigu íslendinga. Það verður fróðlegt að fylgjast með hvernig umræðan verður, kannski sjá menn að það sé allt annað mál að selja Grímsstaði frekar en td. Þingvelli eða Hornstrandir. Kannski eru menn tilbúnir í það þegar upp verður staðið ef upphæðin er nógu há...

Nú gæti ég trúað að við verðum vitni að skemmtilegum tvískinnungi í umræðunni.

En við svo sem vitum það að tilboð um peninga fá íslendinga til að víkja frá flestum prinsipum...í það minnasta marga þeirra.

Þarf að fara vandlega yfir kauptilboð Huangs

Athugasemdir

[jóhann Þór Hopkins (IP-tala skráð) 28.8.2011 kl. 15:49]

Það verður engin tvískinningur í þessu máli Ögmundur og alt hitt kommapakkið kemur til með að stoppa þetta með öllum tiltækum kommaráðum, eins og alt annað þar sem eihverjir peningar eru í spilinu, sérstaklega útlendir, kommarn vilja okkur öll eins engin má skara frammúr eða hagnast alir aumingjarnir jafnir, ef ekki má kalla þessa menn Þjóðníðninga hvað þá.

[Jón Ingi Cæsarsson, 28.8.2011 kl. 15:57]

Verum sanngjörn og veltum um þeirri hugmynd að japani kæmi og vildi kaupa Reynihlíð og allt sem henni fylgir, eða td kóreumaður kæmi og vildi kaupa Möðrudal, og að lokum kæmi hér thailendingur og keypti Hornstrandir og Fjörður við Eyjafjörð. Hvað finnst okkur þegar þetta er skoðað í samhengi og þeirri staðreynd að þetta gæti auðveldlega gerst. Það tekur ekki langan tímað að selja 50.000 ferkm. ... helming landsins.

Spurningin er ...eru menn til í þetta fyrir rétt verð ??? og svari hver fyrir sig.

[vari (IP-tala skráð) 28.8.2011 kl. 16:44]

Er þetta ekki hið besta mál. Um að gera að leyfa honum að koma og byggja upp hótel á Grímstöðum.

Þá verður kannski farið í að byggja upp veginn um Hólsand, svo verður beint flug frá Kína í Egilsstaði.

Fullt af moldríkum Kínverjum. Þær byggingar sem verða reistar koma ekki til með að fara neitt í framtíðinni, og

svo er skapar þetta einhverja atvinnu.

[Jón Ingi Cæsarsson, 28.8.2011 kl. 20:22]

Enginn svarar vangaveltum mínum um sölu Reynihlíðar..og kannski Skútustaða líka. Það er vert að hugsa um hvort menn væru til með að samþykkja með jákvæðu hugarfari fyrir gott verð ?

[Árni Gunnarsson, 28.8.2011 kl. 21:24]

Kannski var ályktunin um Reynihlíð o.s.frv. kornið sem fyllti mælinn. Svo skulum við nefna Brú á Jökuldal og úthlíð í Biskupstungum. Ég held að þessi kynslóð, biluð af græðgi og sjálfsdekri og óheiðarleg að auki ætti ekki að hafa fjárráð til ráðstöfunar á þessu landi.

Nú er komið að því að eigendur Reykjahlíðar fari í mál við ríkið vegna brigða á samningi um orkuna. Ólafur H. tengdapabbi Björgólfs Thors er að ærast og farinn að hóta skaðabótakröfum upp á milljarða.

Í augum margra Íslendinga er þetta land peningar og ekkert annað en peningar.

[Benedikt V. Warén, 29.8.2011 kl. 22:43]

Auðvitað er í lagi að selja land.  Það á að skoða alla fjárfestinga kosti með opnum huga.  Skoða hver áætlunin er og bera saman við þær væntingar sem við höfum til verkefnisins.  Vera fyir alla muni jákvæð.  Ekki dæma fyrirfram. 

Okkur finnst í lagi að við kaupum land í fjarlægum heimshornum og veiðum fisk í sjónum hist ogt her, án þess að hafa miklar áhyggjur af því hvað öðrum finnst.

Það þurfa hins vegar að vera lög í landinu sem skilgreina hversu stór hluti landsins má vera í eigu annarra en íslendinga.  Það ætti ekki að vera erfitt að setja þær skorður og vissulega á íslenska ríkið að geta gengið inn í samninga  og neytt forkaupsréttar skv. matsverði. 

Matsverðið er til að fyrirbyggja sýndartilboð í þeim tilgangi að neyða ríkið til að kaupa eftirsóknarverða staði á yfirverði.