Ræddur verður réttur sauðkindarinnar.

Sigmundur Davíð Gunnlaugsson, formaður Framsóknarflokks verður aðalræðumaður á Hólahátíð sem fram fer um næstu helgi. Hefð er fyrir því að forystumenn í samfélaginu flytji Hólaræðuna og hefur hún oft vakið athygli og umræður.

Spái því að hér verði ræddur rétttur sauðkindarinnar fram yfir rétt fjölskyldnanna í landinu og óbreyttra neytenda.

Spái því að hér verði rædd nauðsyn þess að standa utan ESB svo ríka fólkið á Íslandi hefi meiri möguleika á að verja sérréttindi sín fram yfir venjulega fólkið í landinu.

Spái því að hér verði rædd hættan af því að hefja alvöru samkeppni á matvörumarkaði svo góðvinir Framsóknarflokksins haldi sérréttindum sínum og áskrift að ríkissjóði.

Spái því að hér verði haldin ræða í anda þess sem búast mátti við árið 1968.

En svo gæti formaðurinn komið á óvart og haldið ræðu sem stefndi Íslandi til framtíðar í opnu og lýðræðislegu þjóðfélagi.

Bíð spenntur því það verður gaman að hengja þetta blogg við fréttina af því sem verður, þegar þar að kemur.

Sigmundur Davíð flytur Hólaræðuna

Athugasemdir

[Magnús Óskar Ingvarsson, 7.8.2011 kl. 12:09]

Réttur sauðkindarinnar, já. Er það ekki bara íslensk kjötsúpa?

[Jón Valur Jensson, 7.8.2011 kl. 13:00]

Það er þér líkt, Jón Ingi, að hæðast að stórvel gefnum stjórnmálamanni sem hefur komið við kaunin á þínum eigin þjóðareigna- og landssöluflokki.

[Jón Logi (IP-tala skráð) 7.8.2011 kl. 14:27]

Djöfuls bull er þetta. 

Fyrir það fyrsta eru flestir sauðfjárbændur á hausnum. Þeim hefur verið skammtað eftirfarandi:

A: Hversu mikið þú mátt framleiða.

B: Hversu mikið færðu fyrir það.

Niðurstaðan er að jafnaði heimilistekjur sem eru undir atvinnuleysisbótum.

Þetta er sama baulið og í kringum 1994, þegar allt var rollum að kenna.

Það má svo benda á að það er heimilt að flytja inn kjöt. Við erum þar á samspili með EES og GATT. Eitthvað hefur verið á markaði af mögulegu kúariðukjöti frá Írlandi (lesist hryggvöðvar & Lundir) en einhverra hluta vegna hefur influtt lambakjöt ekki náð neinum vinsældum. Við erum þó að flytja út á sama grunni og hinir væru að flytja inn....ekkert kjaftæði, það er ákv. tollasamkomulag.

Og svona bara til að hafa það á hreinu, - fjárbóndinn er kannski að skafa upp 400-500 kr. á kílóið brúttó. Allt í gúddí ef maður er með 10.000 kindur, en svo er ekki. Og skoðið svo pakkaverðið í næstu sjoppu og reynið að átta ykkur á því hvar okrið verður til.....

[Árni Gunnarsson, 7.8.2011 kl. 16:41]

Það mun verða rifist um íslensku sauðkindina svo lengi sem þetta land byggist. Bændur og sauðfé þó sérstaklega hafa verið "dragbítar á íslensku hagkerfi" allt frá fyrstu dögum Alþýðuflokksins samkvæmt gamalli skilgreiningu próf. Gylfa Þ. Gíslasonar.