Hér kveður við annan tón.

3.8.2011 | 15:14

Hér kveður við annan tón.

Í þessari yfirlýsingu kveður við annan tón en þann sem heyra má hjá forráðamönnum í Vestamannaeyjum. Þar sagði framkvæmdastjóri hátíðarinnar.....

"Þar sagði Páll að nærvera samtakanna á Þjóðhátíð í Eyjum magnaði upp þann vanda sem nauðganir eru á útihátíðinni. Páll var á fundinum spurður hvers vegna Stígamót hefðu ekki aðstöðu á þjóðhátíðarsvæðinu.
„Það er þannig að þar sem þær hafa birst er eins og vandamálið hafi stækkað. Það er ljótt að segja það, en ég segi það samt, það er eins og samtökin nærist á því að vandamálið sé til staðar og það reyni frekar að ýta undir það heldur en hitt. Vandamálin eru alltaf miklu fleiri og stærri þegar Stígamót eru á staðnum," sagði hann"

____DV í maí.

Þetta er auðvitað ekki í lagi og reyndar viðkomandi til lítils sóma að tala með þessum hætti.

En gott er að gleðjast yfir því sem vel er gert og það er himinn og haf milli þess hvernig ráðamenn á Akureyri taka á málum eða í Vestamannaeyjum sem samt virðast eiga hug og hjörtu fjölmiðlamanna þegar kemur að því að fjalla um útihátíðir.

Hafi ráðamenn og hagsmunaaðilar á Akureyri þakkir fyrir frábært starf og vel heppnaða hátíð.