Glæsilegt Húsavík... ömurlegt Akureyri.

Það er óhætt að segja að það hafi verið lifandi strandmenning við
höfnina á Húsavík í morgun.

Þar voru félagarnir Helgi Héðinsson og Óðinn Sigurðsson ásamt fleirum að taka hákarla á land og skera þá í beitu. Alls var aflinn sjö hákarlar sem þeir fengu á línur sínar í  Skjálfandaflóa í gær.

Glæsilegt hjá Húsavík. Lifandi mannlíf í tengslum við bryggjur og sjó.

En á Akureyri leggja hafnaryfirvöld allan metnað sinn í að loka og læsa öllum aðgangi að sjó og bryggjum á Akureyri og lífið og fjörið sem á þeim var er að mestu horfið.

Meinsemi og stjórnsemi einkenna starf hafnaryfirvalda á Akureyri og þeim hefur á örfáum árum nánast tekist að eyða öllu sem heitir strandlíf og strandmenning á bryggum Akureyrar. Fáeinir reyna þó enn að dorga á Torfunefi eða í Innbænum en allir sem stundað hafa bryggjuveiðar á Akureyri vita að þar er lítil veiðivon.

Strandhátíð í anda Húsavíkur væri óhugsandi á Akureyri því hafnaryfirvöld munu örugglega standa í þeirri meiningu að það ógnaði heimsfriði að hleypa bæjarbúum að sjó og á bryggjur.

Hákarlar á Húsavík

Athugasemdir

[Ágúst J. (IP-tala skráð) 18.7.2011 kl. 22:55]

Menning eða menningarleysi á og við hafnir Akureyrar hefur nú lítið með bæjaryfirvöld að gera.

Líttu  þér nú  nær þetta skipulag kemur allt frá stóra skrifborðinu í Brussel þar sem þitt ástkæra Evrópusamband ræður öllu... líka hér !!!

[Jón Ingi Cæsarsson, 19.7.2011 kl. 07:26]

Ágúst...talaðu bara um það sem þú þekkir... bryggjur á Akureyri eru girtar af með háum girðingum og læstum hliðum árið um kring.... merkilegt að það þurfi bara hér í bæ.