Ábyrgðarleysi L-listans.

 

Ég varð undrandi þegar ég sá að meirihluti skipulagsnefndar lagðist ekki gegn endurvinnslu og söfnun á dekkjum og fleiru við Óseyri 3.

Þessi staður er rétt við þétta íbúðabyggð og ofan í fyrirtækjum við Óseyri og nágrenni.

Reynsla okkar af slíkri starfssemi ætti að kveikja á perum hjá þeim sem um svona mál véla. Að sjá ekki að með þessu er verið að taka óforsvaranlega áhættu og ljós hvernig færi á þessum stað ef slys verður eins og mörg dæmi sanna að verða gjarnan. Slys er ef til varla hægt að kalla þetta því í öllum tilfellum hefur verið kveikt í hrúgunum.

Ég líka hissa á að vísað sé í slökkvilið Akureyrar og þeir hafi gefið þá umsögn að " litlar " líkur væru á að þessi starfssemi skapaði hættu. Ég segi....ef hinn minnsti vafi er á slíku, sem þeir útiloka ekki eftir orðalaginu, þá á ekki að heimila svona söfnun á stað inni í byggð.

Ég veit sannarlega ekki hverra hagsmuna L-listinn er að gæta með að taka ekki á þessari beiðni af ábyrgð því hagsmunir og heilsa íbúanna er undir.

Svona starfssemi á alls ekki heima á þessum stað og ég skora á L-listann sem hefur kennt sig við fólkið að taka málstað þess en ekki þrönga sérhagsmuni fyrirtækis framyfir það. Maður veltir fyrir sér hvað L-listinn er að hugsa og vinna fyrir þegar horft er til endurvinnslumála eins og dæmin sýna.

Vona að það sé ekki það sem mér dettur í hug.

 Myndirnar eru frá dekkjabruna á endurvinnslusvæði Hringrásar við Óðinsnes þann 17. maí 2007. Þá var lukkan með bæjarbúum því vindur var að suðaustri og reykinn lagði frá bænum.

Athugasemdir

[Óskar Þorkelsson, 15.7.2011 kl. 16:41]

ég mæli með því að þessi starfsemi verði flutt til suðurnesja