Dónaskapur í Kötlu að trufla ferðaþjónustuna.

 

Það er skýlaus krafa ferðaþjónustunnar að öllum tiltækum ráðum verði beitt til að opna leið yfir Múlakvísl sem allra fyrst.  Hver dagur er mjög dýr þar sem ferðir um hringveginn er ein helsta söluvara ferðaþjónustunnar.  

Það er rakinn dónaskapur að hlaupið í Múlakvísl kom akkúrat núna. Miklu heppilegra væri að fá það í október eða nóvember.

Það væri nú enn verra ef Katla færi af stað með öllu afli núna..þá væri hætt við að hringvegurinn lokaðist í einn til tvo mánuði...ef ekki lengur.

Enn eru hræringar í jöklinum og full ástæða að fylgjast vel með því þetta hlaup og aukning á jarðhita er ekki einangrað fyrirbæri...það gæti verið upphaf að stærri atburðum og vonandi að menn sýni þá meiri yfirvegun og skynsemi í umræðunni en núna.

Auðvitað verður unnið að fullum krafti að gerð bráðabirgðalausnar og eigum við ekki að treysta okkar fagfólki fyrir því frekar en byrja að tala það niður í fjölmiðlum ?

Neyðarástand í ferðaþjónustu

Athugasemdir

[Axel Jóhann Hallgrímsson, 10.7.2011 kl. 13:01]

Nákvæmlega. Samtök ferðaþjónustunnar eru þau einu sem hrópa á torgum og auglýsa að vegurinn sé lokaður.

[Hrafn Arnarson (IP-tala skráð) 10.7.2011 kl. 17:09]

Er ekki ágætt að anda rólega? Vegagerðin mun sinna sínu. ferðaþjónustan gæti tekið til í eigin ranni á meðan. Fyrirtæki í rekstri án leyfis, vsk. og gjöld skiila sér illa. Hvernig væri að allir borguðu í ríkiskassann og byrjuðu svo að hrópa?