En Arngrímur Ísberg og Einar Ingimundarson..tímamótamistök.

 

Jón Þorsteinn Jónsson, fyrrverandi formaður stjórnar Byrs, Ragnar Z. Guðjónsson, fyrrum sparisjóðsstjóri og Styrmir Þór Bragason, fyrrverandi forstjóri MP banka voru allir sýknaðir í Exeter málinu svokallaða af Héraðsdómi Reykjavíkur í dag.

Allir glæpir eru leyfilegir svo framarlega að einhver vafi sé á að þeir hafi verið "óvart eða ekki."

Ég veit ekki á hvaða leið dómskerfið er en mann grunar að hér fáum við þá sýn sem dómarar á Íslandi ætla að hafa á hvítflibblaglæpina í aðdraganda hrunsins og fyrst á eftir..

Dómarar á Íslandi sýna með þessu að almenningur getur alls ekki treyst því að dæmt sé hlutlaust í þessum glæpum og maður spyr sig til hvers er yfirleitt verið að eyða milljörðum í að rannsaka þessi mál og það stappar nærri fullvissu hjá manni að sýknudómar verði það sem koma skal.

Dómskerfið á Íslandi er á leið inn í þá stöðu að enginn trúir því að þar sé dæmt hlutlaust og arfur skipanna dómara frá árum áður skili sér nú í að dómarar standi vörð um þá og það kerfi sem kom þeim á jötuna.

Nú mun reyna á Hæstarétt í þessu máli en því miður hefur maður vonda tilfinningu fyrir því framhaldi.

Allir sýknaðir í Exeter málinu

Athugasemdir

[Óskar Þorkelsson, 30.6.2011 kl. 12:27]

dómarar endurspegla hugsunarhátt þjóðarinnar..

[Jón Ingi Cæsarsson, 30.6.2011 kl. 19:26]

Þetta var verra en nokkurn grunaði.

Einar Ingimundarson, héraðsdómari sem dæmdi í Exeter-málinu svokallaða, gegnir stöðu hjá fyrirtæki sem er í eigu Byrs.

Einar sýknaði sakborningana í Exeter-málinu, en Arngrímur Ísberg sem einnig dæmdi í málinu dæmdi á sama veg og Einar. En Ragnheiður Harðardóttir héraðsdómari vildi sakfella tvo sakborninga í málinu. Hún skilaði sérákvæði þar sem rökstuddi það að þeir Jón Þorsteinn Jónsson, fyrrverandi stjórnarformaður í Byr og Ragnar Z. Guðjónsson, fyrrverandi forstjóri Byrs, skyldu dæmdir sekir um umboðssvik.