Styttist í verkföll láti SA ekki af ruglinu.

 

Kjaraviðræðurnar hanga á bláþræði. Gylfi Arnbjörnsson, forseti ASÍ, sagði eftir fund samninganefnda ASÍ og SA sem er nýlokið, að staðan væri mjög þung.

Það er sem ASÍ og SA séu í viðræðum við skattgreiðendur en eigi ekki í innbyrðis viðræðum. SA hangir á sjávarútvegmálnum eins og hundar á roði þó svo okkur launamönnum komi það nákvæmlega ekkert við hvað þeir vilja eða hvað þeim finnst um þau mál.

Þeir eiga að semja um kaup og kjör við verkalýðshreyfinguna og hafa ekki heimild til að halda launamönnum í gíslingu sérhagsmuna.

Sennilega styttist í að verkföll fari að skella á með tilheyrandi afleiðingum og hörmungum fari þessi samtök ekki að sýna meiri ábyrgð og skynsemi.

Kjaraviðræður á bláþræði

Athugasemdir

[Ragnar Einarsson, 12.4.2011 kl. 21:33]

Þetta á að setja upp í þjóðleikhúsi. enda  bara sett á svið fyrir okkur .............Illa leikið

[Fannar frá Rifi, 12.4.2011 kl. 21:35]

um 10.000 launamenn hafa beina hagsmuni af því hvernig sjávarútvegsmálum er háttað og að það sé sem minnst eða engin óvissa í þeirri grein. á meðan ekki er hægt að sjá fyrir hvernig rekstrar skilyrðin í sjávarútvegi verða á næstu árum vegna pólitískra duttlunga og popúlisma, þá er ekki hægt að gera samninga um hækkun laun eða aðra slíka samninga í þeirri grein einfaldlega vegna þess að þá yrði að segja öllu upp ef forsendur bresta vegna ákvarðanna stjórnvalda.

við þetta bætast svo þúsundir annarra launamanna sem hafa óbeinar tekjur af þjónustu við sjávarútveg á íslandi að hluta eða öllu leiti. þannig að þegar menn tala um að framtíðarskipan og að óvissan um sjávarútvegsmál verði útkljáð, komi launamönnum ekki við, þá eru þeir að lýsa yfir því að annað hvort skilji þeir ekki efnhagsmál á íslandi og hvernig peningar koma inn í hagkerfið eða þeir séu vísvitandi að reyna að blekkja fólk. 

og ég er ekki viss um að það komi til verkfalla. það myndi hafa slæm áhrif á stöðu þessarar ríkisstjórnar og Gylfi mun ekki gera þeim félögum sínum í samfylkingunni þinni þann óleik að fella ríkisstjórnina með langvarandi verkfalli. 

[Óskar Guðmundsson, 12.4.2011 kl. 23:01]

Takk Fannar.

Það hefur enginn hugsað út í að á bakvið öll stóru kvótamálin og allt sem í því kerfi var gert rétt og rangt er uþb 40% af tekjum þjóðarbúsins og 15% verkalýðsins.