Að bregðast trausti. !!

 

Þetta er sama efni og við notum til að þrífa klósett. Það er í almennri notkun og ef við bætum klór við erum við komin með sjó,“ sagði Hreiðar Þór Valtýsson, lektor í sjávarútvegsfræðum við Háskólann á Akureyri, um lútinn frá verksmiðju Becromal í Krossanesi.

Það má vel vera að þetta sé ekki skaðlegt til lengri tíma. Í mínum huga snýst þetta mál um traust og að bregðast trausti. Starfsleyfi verksmiðjunnar er mjög skýrt og sérstaklega var tekið á losnunarmálum í starfsleyfi og skipulagsferli.

Mig undrar að skyndilega núna komi þetta fram því ef þetta hefur viðgengist í tvö ár er afar sérkennilegt að starfsmenn skuli ekki ekki hafa komið með þetta fyrr. Þetta hljóta þeir að hafa vitað frá upphafi en ekki séð ástæðu til að upplýsa fyrr en nú. Það er slæmt því ef það hefði verið gerst strax hefði skaðinn orðið minni.

Í mínum huga hafa yfirmenn verksmiðjunnar brugðist trausti okkar Akureyringa og ef það er rétt að þegar sé búið að bjarga málum er það enn alvarlegra að ekkert skuli hafa verið gert fyrr ef þetta er svona lítið mál.

Ég trúi því líka að erlendir eigendur verksmiðjunnar séu varla ánægðir með íslenska yfirmenn sína sem hafa sýnt vítavert tómlæti og verið afar ófaglegir í þessu máli.

Kæmi ekki á óvart að einhverjir færu í annað í framhaldinu.

Ekki þrávirk efni í menguninni

Athugasemdir

[Sævar Helgason, 25.3.2011 kl. 21:29]

þetta mál er skaðlegt á margan hátt. Það skaðar iðnað ,almennt. Það skaðar atvinnuuppbyggingu tengda efnaiðnaði. Það skaðar orðspor okkar sem hágæða matvælaframleiðslu þjóð.  Málið sýnist vera hreinn trassaskapur stjórnenda verksmiðjunnar. Eigendur hljóta að taka þetta tilvik alverlega. Þettaer  þeim ekki í hag á nokkurn hátt.  En það var fróðlegt viðtalið við forstjóra Umhverfisstofnunnar í kvöld. Lúkkið á konunni var flott og greinilega skemmtilegt umhverfi sem hún lifir við-fjarri öllum óhreinindum . Greinilega mikil tiltekt framundan hjá okkar ágæta umhverfisráðherra að taka rækilega til í málaflokknum....Við höfum ekki efni á þessum slóðaskap.