Fæddur er nýr lýðræðissinni.

 

Björn Bjarnason, fyrrverandi dómsmálaráðherra, kveðst vera undrandi á því að Bjarni Benediktsson, formaður Sjálfstæðisflokksins, taki ekki undir það sjónarmið að hin nýju Icesave-lög verði borin undir þjóðina.

Björn segir að rökin fyrir því eigi ekkert skylt við það hvort fleiri eða færri þingmenn samþykki lögin.

Fyndið að heyra í flokkshestinum Birni Bjarnasyni.. fæddur er lýðræðissinni eða er þetta bara hentistefna eins og þessum manni var mjög lagið þegar hann var að raða ættingjum og vinum í feit embætti. Sennilega er þetta bara skrum eins og ég hef áður sagt um ... umskiptinginn Björn Bjarnason.

Það er góð sátt um Icesavesamning hinn nýjasta. Góður meirihluti í þinginu. Flestir eru sammála um að þetta sé góður samningur miðað við aðstæður og þjóðin virðist sátt. Í það minnsta hefur enginn nefnt undirskriftalista og fjölmiðlar og bloggsíður eru að mestu jákvæð.

Eftir sitja nokkrir sem aldrei munu samþykkja eitt eða neitt í þessu mál...þar með talinn Björn Bjarnason og þar ráða flokkshagsmunir og hatur hans á ríkisstjórninni.

Forseti hefur ekki sjálfsvald að vísa hverju sem er í þjóðaratkvæði og rök hans síðast að gjá væri milli þings og þjóðar á alls ekki við núna...enda er þetta allt annar samningur og ekki hægt að tengja þessi tvö mál saman eins og sumir eru að reyna.

Ef góð sátt er um þetta í þingi og þjóðin talar eins og heyrst hefur síðan þessi nýjasti samningur leit dagsins ljós þá á þingið að ljúka þessu og forsetinn skrifar undir enda er hér þingræðisstjórn en ekki einræði forseta... sem í sjálfu sér er ekki ætlað neitt hlutverk annað en skrifa upp á lög sem Alþingi setur. Það þarf miklar og djúpar ástæður til að forseti taki sér vald sem eingöngu er hugsað sem neyðarvald í einstaka tilfellum.

Þjóðin eigi síðasta orðið