Loksins rofar til á þingi.

 

Alþingi samþykkti í dag, með 40 atkvæðum gegn 11, efnisgrein frumvarps um að heimila fjármálaráðherra að staðfesta fyrirliggjandi samkomulag við Breta og Hollendinga um Icesave. Sex þingmenn sátu hjá. Málið fer nú til 3. umræðu á Alþingi.

Það gleðilegt að þingmenn sýna loks nokkuð góða samstöðu og klára mál í þágu þjóðarinnar.

Þessi gjörningur mun tryggja að uppbygging atvinnulífs og fjármögnun framkvæmda mun komast á fullan skrið og erlend ríki munu á ný treysta okkur fyrir lánsfjármagni.

Ég spái að mjög flótt fari að sást þessi merki að þessi gjörningur er jákvæður og skynsamlegur.

Þingmenn sem átta sig á þessu eiga fulla virðingu þjóðarinnar skylda... og greiða atkvæði með þrátt fyrir að öfgafullir flokksþrælar skammi þá blóðugum skömmum.

 

 

Icesave-frumvarp samþykkt

Athugasemdir

[Kristján Hilmarsson, 3.2.2011 kl. 18:22]

Hárétt hjá þér Jón!, nú rofaði til og þá sér maður hverjir eru mýs og hverjir eru menn, þeir sem greiddu atkvæði þrátt fyrir að öfgafullir flokksþrælar ..osfrv.. en hvað köllum við þá sem fremja verknað sem stefnir landinu beint í nýja "útrás" og aðgerð sem herðir sultarólina hjá almenningi enn meir en orðið er, það er búið að spá "heimsendi" fyrir Ísland í forkant af hverjum einasta Icesave samningsdrögum, svo hversvegna á að trúa dómsdagspámönnunum núna???

Og.. já hvað köllum við þá sem eru með þessu að þrælbinda skattgreiðendur landsins í algera óvissu og til að greiða eitthvað sem þeir eiga enga sök á, jú kannski liggur skýringin hér í bloggi mínu frá því fyrr í dag á aðra frétt.

En ég vel að kalla "þína" menn sem ganga erinda arðræningja og ábyrgðarlausra kúgara "heybrækur" um þá í "mínum" flokki sem ganga svona augljóst handbendi þessarra sömu kúgara hef ég lítið annað að segja en að ég er vonsvikinn og ekki einn um það.

En hér kemur innleggið um tilkynningu Viðskiftaráðs frá því fyrr í dag, og vertu nú stoltur jafnaðarmaður Jón !: 

það þarf engann að undra að þetta ráð sé tilbúið að láta óreiðuskuldir sinna aðila, lenda beint á skattgreiðendum, og eins og það sé ekki nóg, heldur einnig greiða götuna, með því að gera þetta svona núna, fyrir nýrri útrás, enda sérlega tekið fram í stefnuskránni hjá þeim að opinberra afskifta sé ekki óskað (neðri tilvitnunnar málsgrein.) báðar málsgreinar/tilvitnanir eru teknar úr "Hlutverki" Viðskiftaráðs á vefsíðu ráðsins. 

Viðskiptaráð Íslands eru frjáls samtök félaga, fyrirtækja og einstaklinga í íslensku atvinnulífi. Allir sem stunda rekstur, hvort sem er í smáum eða stórum stíl, geta átt aðild að ráðinu. Viðskiptaráð er vettvangur atvinnulífsins til þess að vinna að hvers konar framförum að bættu starfsumhverfi og aukinni velmegun.

 Megintilgangur Viðskiptaráðs er og hefur ávallt verið að gæta hagsmuna viðskiptalífsins. Hagsmuna ber fyrst og fremst að gæta gagnvart stjórnvöldum, en einnig í síauknum mæli gagnvart erlendum aðilum. Það er ekki síður hlutverk Viðskiptaráðs að efla skilning almennings á mikilvægi frjálsræðis í viðskiptum, lágmörkun opinberra afskipta, hagfellds skattaumhverfis og annarra þátta er miða að því að auka samkeppnishæfni Íslands.

En þetta eru auðvitað allt aðrir aðilar núna en þeir sem orsökuðu hrun og "brenndu" af almannafé í ævintýramennsku, og eru svo "englavængjaðir" og "geislabaugaprýddir" að það þarf engin svona "þreytandi" opinber afskifti né eftirlit.

Og þetta styður nú stór hluti bæði hægri og vinstri alþingismanna og eru að eigin sögn að gera það í þágu þjóðarinnar, en þjóðin vill þetta ekki, stór hluti þegna annarra vesturlanda eru einnig búnir að fá nóg af því borga svona óreiðusukk með gífurlegum fórnum og niðurskurði á margra ára uppbyggingu félags og heilbrigðismála, svo nú hefur Ísland og Íslendingar einstakt tækifæri til að vera enn einu sinni og aftur fyrstir með eitthvað sem á eftir að vera eitt stærsta þjóðréttar að ekki sé sagt mannréttindamál, síðan landhelgi var færð út í 200 mílur., með því að hafna Icesave og afþakka alla þessa "aðstoð" AGS og fullveldisráninu sem því fylgir.

MBKV að utan en með hugann heima

KH 

[Jón Ingi Cæsarsson, 3.2.2011 kl. 18:34]

Kristján.. ég er það víðsýnn að ég sé samhengi hluta. Þjóð sem ætlar að ná árangri skipar sér ekki í fylkingar það sem sumir eru þóknanlegir og aðri ekki.  Fyrirtækin í landinu þurfa að blómsta til að atvinna aukist og launamenn fái hærri laun og örugga vinnu. Árangur þjóða byggist á samvinnu en ekki flokkadráttum og deilum um keisarans skegg. Meirihluti þingmann hefur komist að þeirri niðurstöðu að þetta sé besta leiðin í stöðunni og ég treysti þeim fullkomlega því engir hafa séð allar hliðar þessa máls eins nákvæmlega og þeir.

Heimurinn er ekki svarthvítur eins og greinilega má lesa  að þér finnst.

[Kristján Hilmarsson, 3.2.2011 kl. 19:14]

Ef það að hafa víðsýni er að vera sammála því að óreiðuskuldir og afleiðingar ábyrgðalausrar sukkstefnu fyrrverandi bankamanna og ríkisstjórnar, eigi að falla á ókomnar kynslóðir, þá mátt þú bara vera "víðsýnn" fyrir mér.

Allt þetta dómadagsrugl um að ef ekki verði samið um Icesave þá komist hjólin ekki í gang né mun "aðstoð" AGS halda áfram og ekki síst, þó minna heyrist um það núna, aðildarferlið að ESB sé í hættu, hefur verið "spilað" eins og rispuð hljómplata á undan öllum samningadrögum að Icesave, passar það ekki ?? og ekkert af þessum "hræðilegu" atburðum skeðu.

Það sem er virkileg ástæða fyrir því að uppbyggingin ekki gengur betur en raun er, er auðvitað allt það rugl sem á undan er talið, Fullveldisafsalið til AGS sem krefst þess (eins og allstaðar þar sem þeir koma nærri) aukinna skatta, niðurskurði á bæði félagslegri og heilbrigðisþjónustu, og ekki sist þessu ótímabæra aðildarferli "þinna manna" að ESB og einnig ekki síður en það, hvernig stjórnin og embættismannakerfið er búið að eyða orku, fjármunum og tíma í þessa Icesave samninga, í stað þess að vísa þessu algerlega frá og láta á reyna, fyrst hvort Hollendingar og Bretar yfirhöfuð vilja fara réttarleiðina og ef svo, láta þá reyna á hvort virkilega nokkur dómstóll myndi dæma Íslandi í óhag.

Nei  Jón og aðrir sem "blint" fylgið flokknum og leiðtogunum, ef þið sjáið ekki og heyrið hvað er að gerast kring um ykkur (ef maður horfir heillaður á foringjann, sér maður lítið annað) og kallið það víðsýni, þá veit ég ekki hvað þröngsýni né víðsýni er , því HVAR eru skorinortu skýringarnar um það hvað gerist ef við hættum að velta okkur upp úr þessu og látum það ganga sinn gang í réttarkerfinu, ég allavega hef ekki séð þær hvorki hjá þínum né mínum.

MBKV

KH

[Adeline, 4.2.2011 kl. 09:38]

Sæll Jón Ingi,

Þú segir:

"Meirihluti þingmanna hefur komist að þeirri niðurstöðu að þetta sé besta leiðin í stöðunni og ég treysti þeim fullkomlega því engir hafa séð allar hliðar þessa máls eins nákvæmlega og þeir."

Málið er bara að þó svo að þeir sjái eða þeim finnist ekki vera nein önnur leið en að gangast að þessu samk.lagi, þá vitum við það, að megnið af þessari icesave "skuld" (gerviskuld) -verður greidd úr vasa almennings. Þessir þingmenn -eru ekki að bera sama bagga og við- og þeir sofa vel á nóttunni í sínum fínu húsum og munar ekki eins mikið um þennan pening sem deilist niður á hvern Íslending, ætli minn 2 ára sonur - þurfi ekki að greiða meira af þessu en t.d. Bjarni Ben? þetta fólk hefur allskyns fríðindi og bónusa hingað og þangað sem almenningur hefur ekki. Hvað gerist þegar fólk GETUR EKKI MEIRA? bankinn segir nei, vasarnir tómir en STeingrímur og co segir já og teygir sig enn lengra í tómu vasana.