Má maður biðja um lágmarksskynsemi alþingismanna ?

 

Hann bendir á að Hreyfingin hafi lagt til í fjárlaganefnd að málið yrði sent til efnahags- og skattanefndar og viðskiptanefndar með ósk um að leitað yrði leiða til að fjármálafyrirtæki landsins tækju þessar greiðslur á sig.

Vona að maðurinn sé ekki að meina þetta í alvöru. Hvernig í ósköpunum dettur manninum í hug að fjármálafyrirtæki sem engan hlut eiga að máli taki á sig byrðar vegna Icesave. Ég geri aðeins þá kröfu til þingmanna að þeir sýni lágmarksskynsemi í nálgun að málum en þetta lýsir ótrúlegu dómgreindarleysi.... ég vil ekki kalla það heimsku en ótrúlegan barnaskap eða ef ekki þá ábyrgðarleysi á hæsta stigi.

Ef allir þingmenn hugsa og framkvæma með þessum hætti er þessi þjóð dæmd til eilífðar eyðimerkurgöngu hinna óupplýstu og dómgreindarsnauðu.

Lýsir andstöðu við Icesave

Athugasemdir

[Kristján Hilmarsson, 1.2.2011 kl. 22:17]

það þóttu góð ráð, í mínum uppvexti, að venja ketti , jafnvel hunda líka, af því að gera frá sér inni, með því að nudda nefinu á þeim uppúr pissinu eða hægðunum, semsagt að að núa þeim afleiðingum "glæpsins" um nasir ef vill, hvort þetta var góð aðferð eða ekki skal ósagt látið hér og nú, en man ekki eftir því að aðrir hundar né kettir en þeir sem framið höfðu "glæpinn" sættu þessari meðferð, það varð að gera þetta meðan sönnunargagnið/afleiðingin var "volg" og þá aðeins með gerandanum.

Nú er það þannig að Icesave ruglið er afleiðing/sönnunargagn vegna "glæps" sem framinn var af þeim sem trúað var fyrir heiðri og afkomu heillar þjóðar, þeir kettir eru hlaupnir yfir alla hóla, sumir reyndar í grjótinu og undir rannsókn, en að nudda trýninu á alsaklausum köttum upp úr ósómanum í von um að þeir muni þá aldrei gera sama "glæpinn" og hinir, eru ekki góð húsráð né heldur er snefill af réttlæti í því, svo vægt sé til orða tekið.

Þór Saari ! og aðrir þjónar almennings og skattgreiðenda!!, sjáið nú að ykkur í eitt skifti fyrir öll, hafnið Icesave skilyrðislaust, sendið AGS úr landi, brettið svo upp ermar og byrjið að reisa þjóðfélagið í það sem það getur verið, setjið nyju "köttunum" ramma sem gerir að þeir beri fulla ábyrgð á sínum gerðum, en velti ekki öllu alltaf yfir á almenning/skattgreiðendur, þá skulu þið sjá fylgi sem ykkur hefur ekki einusinni dreymt um í villtustu draumum ykkar.

Eins og þetta stefnir í í dag, munu eftirmæli ykkar verða enn svartari en eftirmæli útrásarvíkinganna.

Ríðið á vaðið og sýnið almenningi í Evrópu, þessvegna Ameríku líka hvernig hægt er að gera þetta.

Og hlustið á forsetann.

MBKV að utan en með hugann heima

KH

[Arnór Valdimarsson (IP-tala skráð) 1.2.2011 kl. 23:31]

Er það til of mikils ætlast að jafnaðarmaður eins og þú, sýni þá skynsemi að gleypa ekki alt hrátt frá mogganum og Dabba kóngi.

Svona hljóðar sama frétt í RUV.

Varar við Icesave samningi

Þór Saari, fulltrúi Hreyfingarinnar í fjárlaganefnd Alþingis, segir of áhættusamt að samþykkja nýjan Icesave samning. Þetta kemur fram í nefndaráliti Þórs sem dreift var á Alþingi fyrir stundu. Önnur umræða um Icesave fer fram á Alþingi á morgun.

Fram kemur í áliti Þórs að þegar haft sé í huga að skuldsetning ríkissjóðs og þjóðarbúsins sé við þolmörk eða komin yfir þau, og að aukning skulda vegna nýjasta Icesave samningsins geti orðið um 233 milljarðar króna sé ekki hægt að komast að annarri niðurstöðu. Þá sé siðferðilegt álitamál, sem ekki hafi verið nægilega rætt, hvort réttlætanlegt sé að velta skuldum einkafyrirtækis, í þessu tilviki Landsbankans, yfir á almenning í landinu.

Hér má lesa sérálitið í heild sinni. Án þess að vera slitið úr samhengi:

http://www.althingi.is/altext/139/s/0770.html

[Sigurður Haraldsson, 2.2.2011 kl. 00:32]

Sælir þetta hlaut að vera útspil Davíðs og ekkert annað!