Jákvæð og gleðileg jól.

 

Nú er jólastessinu að linna og ró og kyrrð jólanna að færast yfir.

Margt bendir til að nú sé full ástæða fyrir landsmenn að horfa með bjartsýni fram veginn. Margir jákvæðir punktar hafa verið að birtast þjóðinni og vonandi fer að draga úr neikvæðni og niðurrifstali.  Slíkt gerir engum gagn og meiri þörf er á að auka bjarsýni og samhug í stað þess að reyna að sjá andskota í hverju horni.

Auðvitað tekur tíma að reisa land úr öskustó þegar allt hefur hrunið sem hrunið gat. Vonandi tekst okkur á næstu tveimur til þremur árum að ná stöðu sem allir geta unað við sáttir með sitt. Það er ótrúlegt að einhverjum skuli hafa dottið í hug að allt væri fallið í ljúfa löð og allt samkvæmt ítrustu kröfum á árinu 2010. Slíkt var borin von að gæti orðið. Slíkt var fallið. Það er aðeins pólitískur blekkingarleikur að halda öðru fram.

Vonandi fara stjórnmálamenn í auknum mæli að ástunda boðlega umræðu og skynsemi.

Læt þetta duga því ekki ætla ég að skrifa áramótapistil núna en þess í stað óska ég öllum vinum og kunningjum nær og fjær GLEÐILEGRA JÓLA.

Athugasemdir

[Páll Jóhannesson, 24.12.2010 kl. 16:51]

Óska þér og þínum mínar bestu óskir um gleðileg jól og farsælt nýtt ár.