Risaskref í átt til lausna á Íslandi.

 

Um 60 þúsund heimila munu njóta góðs af þeim aðgerðum, sem samkomulag hefur orðið um á milli stjórnvalda, lífeyrissjóða og fjármálastofnana. Áætlað er að aðgerðirnar kosti um 100 milljarða króna.

100 milljarðar til lausna á vanda heimilanna. Þetta mun bjarga gríðarlega mörgum heimilum og létta byrðar fjölskyldna. Risaskref er stigið sem snertir 60.000 fjölskyldur.

Auðvitað bjargar þetta ekki öllum, sumir eru bara einfaldlega komir of djúpt í kviksyndið og lausnir ekki til staðar.

Þetta er sannarlega enn eitt skefið sem þessi ríkisstjórn er að leggja til málanna til lausna fyrir Ísland og íslendinga.

60 þúsund heimili njóta góðs af

Athugasemdir

[Óskar Guðmundsson, 3.12.2010 kl. 11:31]

Gerum ráð fyrir að helmingurinn sé loft og restin raun.

415.000 á ári (1-3% af meðalskud fjölskyldu)

Þetta á eftir að skýrast betur en hljómar til að byrja með eins og LYGI!

[Geir Ágústsson, 3.12.2010 kl. 11:36]

Hvað gerist eftir eitt ár, þegar verðbólgan er búin að þenja skuldirnar upp um 3% í viðbót? Eða 10%? Hvað gerist þegar gjaldeyrishöftunum er loksins sleppt og krónan tekur dýfu um nokkra tugi prósenta með tilheyrandi áhrifum á verðtryggð lán?

Þá erum við komin á byrjunarreit aftur. En 100 milljörðum fátækari.

[Neytandi (IP-tala skráð) 3.12.2010 kl. 11:42]

Björgunin felst í að viðhalda greiðsluvilja eins og hægt er, ekkert annað !

Nákvæmlega ekkert réttlæti í þessu !

110% en 70% hjá þeim sem eru í greiðsluvandræðum.  Hvaða bull er þetta ???

Nú eiga allir þeir sem skulduðu yfir 50% af verðmæti eignar 2007 en eru í dag nálægt 100% eða yfir að HÆTTA AÐ GREIÐA !

Það eru einu skilaboðin sem lánastofnanir og ríkisstjórnin skilja !

[Jón Ingi Cæsarsson, 3.12.2010 kl. 11:48]

Neytandi...valkosturinn gjaldþrot er alltaf til staðar.. og hefur alltaf verið til staðar.  Nálgun þín er öfgafull og skilar þér nákvæmlega engu nema ósigri...fyrirfram.

[Jón Ingi Cæsarsson, 3.12.2010 kl. 11:50]

Geir...það er ekki til lausn við svarsýni..og þú verður að burðast með hana sjálfur..ég ætla að leyfa mér bjartsýni.

[Birkir (IP-tala skráð) 3.12.2010 kl. 12:42]

Sagan af manninum með tjakkinn:

Einu sinni var maður á ferð á bíl sínum um sveit eina seint að kveldi . Þar sem hann keyrir um myrkvaðan sveitaveginn springur á bílnum. Nú eru góð ráð dýr!  Maðurinn stoppar, gengur hring í kring um bílinn og hugsar hvernig hann eigi að redda þessu þar sem hann er ekki með neinn tjakk í bílnum. Þar sem hann stendur og vandræðast sér hann ljóstýru af sveitabæ í fjarska og ákveður að ganga heim að bæ og fá lánaðan tjakk. Á leiðinni fer hann að hugsa að kannski vilji bóndinn ekkert lána honum tjakk, og eftir því sem hann gengur nær bænum ágerist þessi hugsun og hann orðinn nokkuð viss um að bóndinn vilji ekki lána honum tjakk.

Þegar að bænum kemur ber maðurinn að dyrum og bóndinn kemur til dyra, þá æpir maðurinn á bóndann" þú getur troðið þessum helv.....tjakk upp í rassgatið á þér!".

Alltof margir Íslendingar í dag eru eins og "maðurinn með tjakkinn".  

[Einar Solheim, 3.12.2010 kl. 13:03]

Geir - við ættum kannski að ganga í ESB og taka upp evruna?  Nei - menn eins og þú sjáið ekki lausnina þó svo að hún setjist ofan á ykkur og öskri.