Pólitísk misnotkun á byggingareglugerð.

 

Skipulagsnefnd fundaði um stóra gámamálið í vikunni.

1.  Gámasvæði vegna sorpflokkunar. Leyfi fyrir staðsetningu
SN100113
Erindi dags. 08.11.2010 frá Bergi Þorra Benjamínssyni f.h. framkvæmdadeildar þar sem hann óskar eftir leyfi til að setja niður gáma til sorpflokkunar á eftirtöldum stöðum á Akureyri.
Samþykki lóðarhafa og leigjenda um staðsetningarnar liggja fyrir.

Á verslunarlóðum:
1) Hrísalundur 5, Samkaup.
2) Byggðavegur 98, Strax.

Á svæði Akureyrarbæjar:
3) Kjarnagata sunnan við Bónus (heimild til staðar í deiliskipulagi).
4) Hólmatún austan leikskóla (heimild til staðar í deiliskipulagi).
Skipulagsnefnd heimilar staðsetningar grenndargáma samkvæmt meðfylgjandi tillögu framkvæmdadeildar til sorpflokkunar á ofangreindum stöðum til eins árs á grundvelli gr. 71.2 í byggingarreglugerð.

Þessi grein hljóðar svo.

71.2        Gámar skulu ekki standa utan skipulagðra gámasvæða eða gámastæða á lóð. Byggingarnefnd getur í sérstökum tilfellum, svo sem vegna byggingarframkvæmda, þjónustu eða sorpsöfnunar, veitt tímabundið leyfi allt að eitt ár í senn.

Það sér það hver maður að þessari grein er ekki ætlað að leyfa slíkt í tilfelli sem þessu. Hér er átt við tímabundna notkun td þegar verið er að byggja hús, rífa hús og eitthvað slíkt sem tilfallandi er.

Hér er skipulagsnefnd að misbeita þessari reglugerð til að komast hjá því að gefa íbúum og öðrum tækifæri til að koma með athugsemdir og hafa á þessu skoðun. 

Jafnframt er þarna verið að reyna að draga að landi klúður L-listans í úrgangsmálum og þeirrar vanþekkingar þeirra að vita ekki að slíkt mannvirki og starfssemi verður að fara í skipulagslegt ferli. 

Það er skipulagsnefnd til lítils sóma að láta draga sig í það að mistúlka og misbeita reglugerðum sem er ætlað allt annað en festa í sessi framkvæmd sem er deiliskipulagskyld og verður að koma til íbúa til skoðunar og gefa þeim tækifæri til að hafa á þessu skoðun.

En lýðræði og reglur eru bara spari já L-lista. Það er því eðlilegt að beina erindi til skipulagsstofnunar og óska eftir áliti þeirra á þessum gjörningi.

Athugasemdir

[Benedikt V. Warén, 20.11.2010 kl. 09:43]

71.2        Gámar skulu ekki standa utan skipulagðra gámasvæða eða gámastæða á lóð. Byggingarnefnd getur í sérstökum tilfellum, svo sem vegna byggingarframkvæmda, þjónustu eða sorpsöfnunar, veitt tímabundið leyfi allt að eitt ár í senn.

Mér sýnist skv. reglugerðinni vel hægt að leyfa þetta, bara spurning um hvort rétt nefnd er að samþykkja og veita leyfi?  Ekki kemur fram í blogginu hvort skipulagsnefnd er að vinna þetta í samráði við byggingarnefndina. 

[Jón Ingi Cæsarsson, 20.11.2010 kl. 13:30]

Þarna er verið að koma sér hjá að deiliskipuleggja svæðin og koma þessu fyrir þarna án þess að íbúar fái að segja sinn hug. Þannig er verið að misnota reglugerð sem hugsuð er fyrir allt annarskonar notkun á gámum. Það er til bráðabirgða en ekki tilfelli eins og þetta er....þarna eiga þeir að vera áfram til 8 ára í það minnsta. Því er óeðlilegt að nota svona ákvæði.