Tvískinnungur.. ljótur blettur á Alþingi.

 

Framkoma þessa þingmanns er lítilmótleg. Að taka sér frí frá Alþingi til að fara út á götuna og mótmæla þessu sama Alþingi er í besta falli kjánalegt en í reynd viðkomandi til háborinnar skammar.

Alþingi hefur skaðast illa síðustu árin og trúverðugleiki þings og þingmanna hefur sjaldan verið minna. Svo þegar sumir þessara þingmanna yfirgefa þingsali til að fara út á götuna og mótmæla sama Alþingi og vinnustað sínum er tvöfeldnin búin að ná ákveðnu hámarki.

En ég svo sem veit að Birgitta skilur ekki stöðu sína og því verður við víst að fyrirgefa henni barnaskapinn því ég held að hún meini vel þá flestir sjái hversu óumræðilega lítilmótlegt og kjánalegt þetta athæfi er.

Tunnur barðar við Stjórnarráðið

Athugasemdir

[Karma (IP-tala skráð) 12.10.2010 kl. 12:51]

Bíddu nú við: "taka sér frí frá Alþingi"

Var ekki ríkisstjórnarfundur? Það þýðir væntanlega að það var ekki þingfundur á Alþingi eða ríkisstjórnin var sjálf að skrópa.

Ríkisstjórnin er heldur ekki Alþingi heldur situr hún með stuðningi meirihluta þingmanna. Það er vel hægt að mótmæla framkvæmdavaldinu þó að þú sért hluti af löggjafarvaldinu.

[Guðjón Sigþór Jensson, 12.10.2010 kl. 12:58]

Nefndafundir voru á þingi í morgun. Þannig að ef þingmaður sem situr í nefnd mætir ekki er um skróp af hans hálfu að ræða.

Annars er það einkenni skrílsláta að brjóta rúður og kasta eggjum. Í búsáhaldabyltingunni lagði Hörður Torfason áherslu á friðsöm mótmæli. Þeir sem vilja mótmæla vaxtaokrinu eiga auðvitað að mótmæla í bönkunum.

Mosi

[Skríll Lýðsson, 12.10.2010 kl. 12:58]

Sjaldan séð eins lítilmótleg og óþroskuð skrif og þessi Jón, tek undir orð Karma hér að ofan.

[Skríll Lýðsson, 12.10.2010 kl. 13:04]

p.s

Held að það segi allt sem segja þarf að höfundur telji það "kjánalegt" að standa með sínum sannfæringum.

[Kristján H Theódórsson, 12.10.2010 kl. 13:45]

Það hafa víst einhverjir aðrir sett ljótari bletti á Alþingi undanfarnar vikur og þeir víðsfjarri þessum þingmanni í flokki. Maður líttu þér nær!

Birgitta stendur þó með sinni þjóð gegn undirlægjuhætti við auðvaldið sem "Gungur og Druslur" stjórnarinnar sýna!

[Björn I (IP-tala skráð) 12.10.2010 kl. 13:53]

Tók Birgitta sér frí til að fara að mótmæla?

Fór hún ekki á ráðstefnu og þurfti að kalla inn varamann sem lögum samkvæmt þarf að sitja á þingi í tvær vikur að lágmarki?

[Björn Birgisson, 12.10.2010 kl. 14:11]

Varamenn sem sitja á Alþingi samkvæmt vef þingsins:

Baldvin Jónsson (BaldJ) Aðalmaður: Birgitta Jónsdóttir 9. þm. Reykv. s. Hreyf. varamaður Halldóra Lóa Þorvaldsdóttir (HLÞ) Aðalmaður: Lilja Rafney Magnúsdóttir 6. þm. Norðvest. Vinstri-gr. varamaður Jórunn Einarsdóttir (JórE) Aðalmaður: Atli Gíslason 4. þm. Suðurk. Vinstri-gr. varamaður Logi Már Einarsson (LME) Aðalmaður: Sigmundur Ernir Rúnarsson 7. þm. Norðaust. Samf. varamaður Ólafur Þór Gunnarsson (ÓGunn) Aðalmaður: Guðfríður Lilja Grétarsdóttir 3. þm. Suðvest. Vinstri-gr. varamaður Sigurður Kári Kristjánsson (SKK) Aðalmaður: Illugi Gunnarsson 3. þm. Reykv. n. Sjálfstfl. varamaður

[Daníel (IP-tala skráð) 12.10.2010 kl. 14:14]

Birgitta hefur ekki dregið Alþigi niður í svaðið, hún er sómi Íslands og skjöldur. Gamla fjórflokkaklíkan hefur hinsvegar alfarið sé til þess að virðing þessarar stofnunar er nánast engin meðal almennings í dag. Menn hafa líka fært fyrir því rök að Alþingi sem stofnun hafi verð rænd frá þjóðinni í áratuga spillingartíð fjórflokkaklíkunnar og ég er eiginlega bara sammála því.

Nú Hörður gerði nákvæmleg ekkert fyrir almenning með mótmælasamkomum sínum. Ég sótti öll hans mótmæli og þau skiluðu sér nákvæmlega ekkert til ráðamanna. Hvers vegna átti það svo sem að geta gerst þegar fólk átti bara að mæta þarna og standa eins og Zombiar á meðan það hlustaði á sjálfhverfan leiðtogann? Aggressive Búsáhaldabyltingin umpólaði hinsvegar valdahlutföllunum í samfélaginu. Hún færði valdið til fólksins í fyrsta skipti í sögu þings og þjóðar; það var svo sannanlega komin tími á að slíkt gerðist. Fyrir Búsáhaldabyltingunni fór fólk sem neitaði að láta ráðamenn og varðhunda þeirra segja sér hvernig tilhlíðilegt væri að hegða sér í mótmælum gegn þeim. Sú tíð mun koma að þjóðin mun sjá að það var hnefarétturinn sem bjargðaði þjóðinni frá þjóðnýðingunum en ekki undirlægjuháttur svokallaðra "friðsemdarmótmæla".

[Sigurður Haraldsson, 12.10.2010 kl. 18:09]

Þeir sem tala niður til Birgittu eru á villigötum því að betri málsvara höfum við vart fengið nú seinni tíð!

[Ómar Bjarki Kristjánsson, 12.10.2010 kl. 20:24]

Óttalega kjánaleg hegðun.  Það verður að segjast. 

Og á landið sem sagt að bumba sig í gegnum þessa erifðleika eða?

Erfitt í raun að finna orð sem lýsa þessu fyrirbrigði.  Í senn dapurlegt og óttalega heimskulegt.

Þetta er soldið þannig að fólk sé að kalla:  Við viljum 2007, við viljum 2007 o.s.frv.  Að það hafi ekkert orðið hérna efnahagshrun og allt sem þurfi sé bara einhver vilji til að töfra fram 2007 peninga.

Minnir líka á auglýsinguna þarna í denn, þarna krakkar aðallega sem börðu hnífapörum í borðið og kölluðu:  Við viljum Vilkó, við viljum Vilkó - en það var einhver pakkasúpa sem var vinsæl í þá tíð. 

Það sem þetta sýnir líka almennt, þ.e. Hreifingardæmið, að það er ekki lausn að kjósa einhverja inn á alþingi sem eru ótengdir gömlu flokkunum.  En þá skoðun heyrir maður oft.  Hreifingin er alveg gangandi og talandi dæmi um að það gæti verið enn verra og stórhættulegt.

[Karma (IP-tala skráð) 13.10.2010 kl. 13:36]

Velkominn Ómar Bjarki, sjálfskipaður óopinber talsmaður ríkisstjórnarinnar: "það er ekki lausn að kjósa einhverja inn á alþingi sem eru ótengdir gömlu flokkunum"

Með öðrum orðum: fjórflokkurinn verður að halda völdum, sama hvað!