Kominn tími á að skipta út yfirstjórninni.

 

Á fundi sem aðstandendur Spaugstofunnar áttu í morgun með forráðamönnum RÚV var tilkynnt um að Spaugstofan yrði ekki á dagskrá Sjónvarpsins í vetur. Hefur þeim verið boðið að sjá um áramótaskaupið um næstu áramót.

RÚV er bara svipur hjá sjón. Allt nýtilegt íþróttaefni svo sem Enski boltinn, Formúlan, Íslenski boltinn eru komin annað. Kvikmyndaval á föstu og laugardögum er orðið niðurdrepandi þriðja flokks myndir eða endursýningar á endursýningar ofan.

Nú fer sá dagskráliður sem mest áhorf allra liða hefur haft til fjölda ára. Maður spyr sig hvert stefnir með aðalfjölmiðil landsmanna. Ríkisútvarpið er í dauðateygjunum.

Nú væri ráð að hætta að skera niður af handahófi og skipulagslaust eins og þegar svæðisstöðvarnar voru skornar við trog.

Nú viljum við eigendur skipta út yfirstjórn og úvarpsstjóra ... þetta er ekki hægt lengur.

Engin Spaugstofa í vetur

Athugasemdir

[Sigurður Haraldsson, 10.8.2010 kl. 15:29]

Blessaður ég er samála þér núna Páll M hefur orðið spillingunni að bráð og mafían er búin að ná tökum á stjóranum því ber honum að víkja!

[Kristján Birnir (IP-tala skráð) 10.8.2010 kl. 18:28]

Talandi um endursýningarnar þetta eru jafnvel endursýningar á þriðjaflokks myndum.

[Páll Jóhannesson, 11.8.2010 kl. 11:44]

Sorglegast af öllu er að maður getur ekki sagt upp þessari ruslstöð þ.e. RÚV