Stórklúður í uppsiglingu ?

 

Óhagstæð sjávarskilyrði urðu til þess að ekki var nóg dýpi í höfninni og sat Herjólfur fastur um tíma. Verið er að athuga með ferðina klukkan þrjú, en nánari upplýsingar liggja fyrir um hádegisbil.

Margir hafa haft þá skoðun að Landeyjarhöfn verði erfið og þeir svartsýnustu hafa haldið því fram að hún yrði ónothæf við vissar aðstæður.

Veðurhæð er gríðarleg og sjávarlag við suðurströndina er oft erfitt. Sandburður er mikill og það ættu menn svo sem að vita eftir aldalanga baráttu við sandinn á þessu svæði.

En að vandræðin yrðu sjáanleg með afgerandi hætti fyrstu dagana og um hásumar áttu fæstir von á. Vonandi fer þetta ekki eins og sumir hafa óttast.. að Landeyjarhöfn verði minnisvarði um alvarleg mistök í samgöngusögunni.

Herjólfur tafðist um þrjá tíma

Athugasemdir

[Gummi (IP-tala skráð) 30.7.2010 kl. 12:59]

Þótt búið sé að opna höfnina er ekki áætlað að vinnu við hana ljúki fyrr en 10.október þ.m.t dýpkun hennar, og eins og við allar aðrar hafnir landsins þá verður líka unnið við dýpkun hennar allt árið, búið að ganga vel hingað til og ég á ekki von á öðru en að þetta verði gott, það má líka geta þess að aldrei var ætlað að núverandi herjólfur myndi sigla þarna þar sem hann hentar ekki nógu vel, en annars var alltaf viðbúið að það yrðu einhverjir byrjunarerfiðleikar á þessu eins og flest öllu öðru.

[Magnús Gunnarsson (IP-tala skráð) 30.7.2010 kl. 22:28]

Fall er farar heill.