Ryðhumlan að vera áberandi.

 

Nýji landneminn okkar, ryðhumlan er að verða áberandi í Lystigarðinum og þar voru þær í hundraðatali í dag.

En hvort þetta er ekki örugglega ryðhumla verða aðrir en ég að greina því hún er víst mjög svipuð frænku sinni rauðhumlu sem hefur sést á Suðurlandi.

Ryðhumlan er lítið eitt stærri en sú gamla íslenska en miklu minni en sú er kom hér sem nýbúi á sjöunda og áttunda áratugnum er nú um allt land.

 

 Gaman væri ef einhver sem sér þessar myndir staðfesti að hér fari ryðhumla. Maður verður greinilega að leggjast í grúsk til að ná að þekkja í sundur alla þessa landnema á Íslandi en þeim virðist nú fjölga ört.

Lítið hefur aftur á móti borið á geitungi í sumar og það var varla að ég sæi nokkurn slíkan í dag..þessi þrjú, fjögur eintök sem ég sá bregða fyrir virtust smávaxnir og vesældarlegir miðað við þann fjölda að allskonar hunangsflugum sem voru í ölllum blómum, búsnar og sællegar.

                                                                                              

Það er gefandi að rölta um Lystigarðinn og fylgjast með lífríkinu, blómum og skordýrum.

Garðurinn er afar fallegur þessa dagana og það hafa allir gott af því að leggja leið sína þangað og anda að sér ilmi blóma og trjáa og njóta sumarsins alveg í botn.