Enn ein L-lista hjáseta. Gömlu lögin sungin og leikin.

 

 Skipulagsnefnd fyrra kjörtímabils hafði unnið að breytingu á aðalskipulagi og deiliskipulagi Brálundar er snéri að tengingu Brálundar við Miðhúsabraut. Frá upphafi var gert ráð fyrir að þessi tenging væri en það þurfti að gera smávægilega breytingu á úfærslu tengingarinnar á uppdráttum til að ljúka málum. Full sátt var um málið í nefndinni og ekkert því til fyrirstöðu að ljúka málinu og þeim fáu athugsemdum sem bárust var svarað. Brálundur er 30 km gata með hraðahindrunum og ekki gert ráð fyrir mikilli umferð um þessi gatnamót. Þau munu fyrst og frest nýtast íbúum á svæðinu og stytta og auðvelda leiðir þeirra.

Það vekur athygli mín að í lokaafgreiðslu bæjarráðs í dag er fyrrum oddviti L-listans er enn við sama heygarðshornið og hann hefur verið lengstum að sitja hjá við afgreiðslur. Hvort það er ákvarðanafælni skal ósagt látið og þetta var fyrst og fremst hans persónulega nálgun meðan hann sat sem ábyrgðarlítill minnihlutamaður.

Núna þegar hann sem fulltrúi L-lista með hreinan meirihluta heldur hann uppteknum hætti og axlar ekki ábyrgð á mikilvægu skipulagsmáli. Hann tekur enn og aftur þann pól í hæðina að sitja hjá og koma sér hjá ábyrgð. Þetta verður flókið kjörtímabil ef þetta eiga að vera vinnubrögð L-lista og ef til vill fá mál framgang með fulltingi minnihlutaflokkana meðan L-listinn heldur uppteknum hætti og situr hjá.

Hér að neðan er bókun bæjarráðs og hjásetubókun Odds Helga.

3.   Lundarhverfi - reitur 2.51.7 - breyting á deiliskipulagi Brálundar
2010020057
2. liður í fundargerð skipulagsnefndar dags. 12. maí 2010:
Deiliskipulagstillagan var auglýst samhliða aðalskipulagsbreytingu frá 17. mars með athugasemdafresti til 28. apríl 2010. Auglýsingar birtust í Lögbirtingarblaði og Dagskránni. Þrjár athugasemdir bárust og hefur þeim verið svarað, sjá fundargerð skipulagsnefndar dags. 12. maí 2010.
Skipulagsnefnd leggur til við bæjarstjórn að deiliskipulagstillagan verði samþykkt og skipulagsstjóra falið að annast gildistöku hennar.
Bæjarráð hefur fullnaðarafgreiðsluheimild í sumarleyfi bæjarstjórnar sbr. bókun í 3. lið fundargerðar bæjarstjórnar 29. júní 2010.
Meirihluti bæjarráð samþykkir deiliskipulagstillöguna og felur skipulagsstjóra að annast gildistöku hennar.

Oddur Helgi Halldórsson og Petrea Ósk Sigurðardóttir sátu hjá við afgreiðslu.