Stríðsyfirlýsing á hendur almennings ?

 

Tilmæli FME og SÍ fela það í sér að fjármálafyrirtæki taki mið af vöxtum Seðlabankans, með hliðsjón af lægstu vöxtum. Það er síðan fjármálafyrirtækjanna sjálfra að láta á þetta reyna fyrir dómi. Það sé þeirra réttur og ekki sé ætlunin að taka þann rétt af þeim.

Skriflegur samningur, sem atvinnurekandi gefur neytanda kost á, skal vera á skýru og skiljanlegu máli. Komi upp vafi um merkingu samnings sem nefndur er í 1. mgr. 36. gr. a skal túlka samninginn neytandanum í hag."

Skriflegur samningur minn við SP fjármögnun stendur að þeim hluta sem löglegur er. Þar er kveðið á um 3% vexti. Hvenær fengu Seðlabanki og FME leyfi til að krukka í minn samning við þriðja aðila og hækka þá umsömdu vexti í 8.5%.

Er verið að fara í stríð við neytendur..eða gera þessir menn sér ekki grein fyrir afleiðingum svona flumbrugangs ?

Í þágu almannahagsmuna

Athugasemdir

[Atli Hermannsson., 30.6.2010 kl. 11:26]

Ég ætla að vona að það verði allt brjálað núna... og ég mun taka þátt í því.

[Óskar Arnórsson, 30.6.2010 kl. 11:29]

Þvílík heimska og þvæla þetta er í FME og kompaníi. Alveg með ólíkindum!!

[Ólafur Magnússon (IP-tala skráð) 30.6.2010 kl. 11:43]

Ekki gleyma því að lægstu vextir Seðlabankans fóru hæst í um 20% að mig minnir rétt eftir hrun svo ef að það á miða við "spot" vexti á hverjum tíma þá væri bara hátíð að fá 8.5%

[Valsól (IP-tala skráð) 30.6.2010 kl. 14:03]

Hugsið ykkur að ef við göngum í ESB þá lækka vextir á öllum lánum til heimilanna og fyrirtækja um 228 miljarða á ári, já 228 miljarða á hverju ári. Þetta eru peningar sem ég og þú eigum og verðum að vinna hörðum höndum fyrir og láta síðan af hendi við fjármagnseigendur. Að ganga í ESB yrði þess vegna mesta kjarabót sem íslenskum almenningi mun nokkurn tíman standa til boða. Hugsið ykkur einnig allar vinnustundirnar sem almenningur þarf að leggja á sig til að borga þessa 228 miljarða á ári. Þetta er fórnarkostnaðurinn sem við borgum fyrir að vera ekki í nánara samstarfi við aðrar þjóðir, og husið ykkur einnig hve við gætum búið börnunum okkar betra líf ef ekki kæmi til þetta rán á hverju ári. Einnig má velta því fyrir sér allan þann frítíma sem fólk hefði ef það þyrfti ekki að vinna myrkran á milli til að borga þessa okurvexti. Áfram ESB!!!!

Svona lán munu bjóðast Íslendingum ef þeir ganga í ESB. Þeir gætu valið á milli

   1. Lán með 4 prósenta föstum vöxtum til 30 ára.

   2. Lán með breytilegum vöxtum til 30 ára. Vextirnir á því láni eru nú 1,9 prósent og geta aldrei farið upp fyrir 5 prósent.

  

Sumir Íslendingar vilja borga sín lán með verðtryggingu og vöxtum 17 falt til baka, þ.e. þeir sem eru á móti því að ganga í ESB. Þessi kjör hér að ofan standa dönskum almenningi - og öllum Evrópubúum ef út í það er farið - til boða. Og þau eru öll óverðtryggð enda slíkt fyrirbæri óþarft í heilbrigðum hagkerfum. Þau sem sagt lækka í hvert skipti sem borgað er af þeim. Ef við tökum lán til 40 ára hér á landi og miðum við 5% vexti og 5% verðbólgu, sem sagt allt í fína lagi, þá þurfum við að borga hátt í 200 miljónir til baka á þessum 40 árum. Ef við tökum lán á evrusvæðinu 20 miljónir til 40 ára, þá þurfum við að borga 24 miljónir til baka. Hvort vilt þú?

Gott fólk, út af hverju takið þið ekki afstöðu til ESB út frá því hvort það komi ykkur persónulega vel eða ekki? Kvótagreifinn tekur afstöðu til ESB út frá því sem er best fyrir hann, óðalsbóndinn tekur afstöðu út frá því sem er best fyrir hann. Hvað með þig, langar þig að borga húsnæðislánið þitt 10 falt til baka, eða rúmlega einu sinni til baka? Hættum þessu bulli að láta einhverja sérhagsmunasambönd teyma okkur út í stuðning við örfáa aðila, tökum bara afstöðu til ESB út frá því sem kemur okkur sjálfum og fjölskyldum okkar best. Hvort viltu borga til baka af 20 miljóna króna íbúðarláni, 200 miljónir eða 24? Ertu flón eða maður sem stendur með sjálfum þér?
Lestu eftirfarandi og spurðu sjálfan þig hvort það sé þess virði að styðja við bakið á kvótagreifum og óðalsbændum? Hversu miklu ertu tilbúinn að fórna svo sérhagsmunaaðilar sofi rólega á meðan þú borgar af láninu þínu?



Samkvæmt útreikinginum á kostnað við fasteignalán til fjörutíu ára í Þýskalandi á fasteignavefnum Immobilienscout:=> Fjárhæðin skiptir ekki máli fyrir útreikningana, hún vex í sama hlutfalli hversu há sem hún er, en við miðuðum við 100.000 evrur og þá 4% vexti sem gefnir eru upp til viðmiðunar. Vaxtarkostnaður við slíkt lán væri 19.475 evrur. Það er, heildarfjárhæðin sem lántaki greiðir til baka á 40 árum er 119.475 evrur. Vaxtakostnaðurinn er tæp 20% af lánsfjárhæðinni.
Kostnaðurinn við þýskt húsnæðislán til 40 ára er því undir 20% af lánsfjárhæðinni. Kostnaðurinn við íslenskt húsnæðislán til sama tíma, miðað við 6% vexti og 5% verðbólgu, er yfir 800% af lánsfjárhæðinni. Munurinn á 20% (0,2x) og 800% (8x) er fertugfaldur.

[Jón Ingi Cæsarsson, 30.6.2010 kl. 16:21]

(Hugsið ykkur að ef við göngum í ESB þá lækka vextir á öllum lánum til heimilanna og fyrirtækja um 228 miljarða á ári, já 228 miljarða á hverju ári. Þetta eru peningar sem ég og þú eigum og verðum að vinna hörðum höndum fyrir og láta síðan af hendi við fjármagnseigendur. Að ganga í ESB yrði þess vegna mesta kjarabót sem íslenskum almenningi mun nokkurn tíman standa til boða.)

Þú segir þetta Valsól.. heldur þú að hið háværa einangrunarlið hafi nokkru sinni vitað þetta því ef þeir vita þetta og halda fram þeirri skoðun að við eigum ekki að sækja um er það hreint tilræði við land og landsmenn. Er það kannski ekki málið að þeir óttast að það renni upp fyrir þjóðinni ljós þegar vitræn kynning og umræða hefst.

[Óskar Arnórsson, 30.6.2010 kl. 17:01]

það er ótrúlegt að það skuli yfirleitt til vera fólk sem heldur að ESB bjargi nokkrum sköfuðum hlutum. Ísland á ekkert erindi i ESB og svona "rök" heitir rökleysa og er tóm þvæla og vitleysa...landsölufólkið er að vakna. ég mæli með vitrænni umræðu enn enn ekki áróðri og staðreyndafalsanir eins og kemur fram hér að ofan.

[Sigurður Þorsteinsson, 30.6.2010 kl. 20:36]

Þessi ákvörðun er í boði VG og Samfylkingarinnar.

[Benedikta E, 1.7.2010 kl. 14:22]

Jón Ingi - Ólöglegu tilmæli Seðlabankans og Fjármálaeftirlitsins - eru í boði AGS og ríkisstjórnarinnar - með Seðlabanka Íslands og Fjármálaeftirlitið sem sína framlengingar arma...................

Nú ættir þú að tala alvöru orð við Samfylkingarfólkið.

[Guðmundur Ásgeirsson, 1.7.2010 kl. 14:39]

Lögreglunni ber í raun skylda til að bregðast við nú þegar og hefja rannsókn. Seðlabankinn og FME hafa nefninlega að öllum líkindum sjálf gerst sek um brot á almennum hegningarlögum með því að hvetja aðra til lögbrota. Slík hvatning er refsivert athæfi sem varðar allt að 6 ára fangelsisvist!

Við virðumst því miður búa í bananalýðveldi.     =