Ruglið og bullið á Alþingi.

 

#Þingmenn stjórnarandstöðunnar létu gamminn geysa á þingfundi í dag þegar rætt var um fundarstjórn forseta. Vigdísi Hauksdóttur, þingmanni Framsóknarflokksins, var misboðið yfir störfum forseta. #

Ef Vigdísi er misboðið yfir fundarstjórn forseta þá vil ég upplýsa hana um að þjóðinni er stórlega misboðið að hlusta og horfa á hegðun alþingismanna þessa dagana.

Í stað þess að standa saman og takast á við vanda þjóðarinnar eru þeir eins og illa uppalin börn í frekjukasti.

Það er rifist um keisarans skegg.. orðaleppar fljúga, ásakanir ganga á víxl og afköst þingsins engin.

Ég bið þingmenn að átta sig á hvað fólkið í landinu var að segja stjórnmálamönnum í kosningum fyrir rúmri viku.

Traustið á þeim er fokið út í veður og vind og ef við þurfum að horfa upp á þessa hringavitleysu á Alþingi mikið lengur verður uppreisn í landinu...

Í guðana bænum farið að vinna vinnuna ykkar og leysa mál. Hættið að haga ykkur eins og fífl...

fyrirgefið en mér er gróflega misboðið.

 

Óbarnvænt Alþingi