Uppbygging Akureyrarflugvallar í fullum gangi.

 

  Skipulagsnefnd hefur verið að undirbúa framkvæmdir á Akureyrarflugvelli og færa skipulag svæðisins í það horf að uppbygging geti orðið í samræmi við áætlanir.

Það má merkja að vinnubrögð skipulagsyfirvalda á Akureyri eru markvissari og ákveðnari en sjá má við Reykjavíkurflugvöll.

Bókanir frá því á miðvikudag.

 

5.  Aðalskipulag Akureyrar 2005-2018. Breyting á aðalskipulagi - flugvallarsvæði
SN100050
Skipulagsstjóri lagði fram tillögu að breytingu á Aðalskipulag Akureyrar 2005-2018 unna af Árna Ólafssyni, dags. 20.05 2010.
Breytingarnar eru eftirfarandi:
1) Breytt afmörkun flugvallarsvæðisins til samræmis við deiliskipulag.
2) Landfylling norðan flugstöðvar stækkuð lítillega til norðurs.
3) Landfylling gerð sunnan Leiruvegar undir aðflugsvita.
4) Göngu- og reiðleið sunnan flugvallar lagfærð til samræmis við deiliskipulag.
5) Færsla á legu Brunnár.
6) Syðri vegtenging flugvallarsvæðis við Eyjarfjarðarbraut færð til suðurs til samræmis við deiliskipulag.
7) Þéttbýlismörk aðlöguð breyttri afmörkun flugvallarsvæðisins.
Skipulagsnefnd leggur til við bæjarstjórn að tillagan verði auglýst skv. 1. mgr. 18. gr. skipulags- og byggingarlaga nr. 73/1997.


6.  Eyjafjarðarbraut, flugvallarsvæði. Breyting á deiliskipulagi
SN090134
Skipulagsstjóri lagði fram tillögu að breytingu á deiliskipulagi Akureyrarflugvallar. Tillagan er unnin af Páli Tómassyni frá Arkitektur.is ehf, dags. 20.05.2010 f.h. Flugstoða ohf.
Breytingarnar eru eftirfarandi:
1) Breytingar á flugbrautum.
2) Breytingar á stærð og lögun vöruskemma.
3) Breytingar á byggingareit nýrrar flugstöðvar.
4) Breytingar á staðsetningu rotþróa.
5) Breytingar á aðkomu og bílastæðum.
6) Breytingar á landfyllingum.
7) Breytingar á legu göngu- og reiðstíga sunnan flugbrautar.
Skipulagsnefnd óskar eftir að bætt verði inn í greinargerðina ákvæði um tengingu fráveitu við bæjarkerfið og leggur til við bæjarstjórn að tillagan þannig breytt verði auglýst skv. 1. mgr. 25. gr. skipulags- og byggingarlaga nr. 73/1997.

Athugasemdir

[Óskar Þorkelsson, 28.5.2010 kl. 21:18]

borgað með skattfé reykvíkinga ;)

[Jón Ingi Cæsarsson, 28.5.2010 kl. 21:19]

Óskar minn.. skattfé er sameiginlegur sjóður allra.. enda eru samgöngumannvirki þjóðareign.

[Óskar Þorkelsson, 28.5.2010 kl. 21:21]

það er merkileg staðreynd í ljósi þess að reykvíkingar fá um 5 % af þessu svokallaða almannafé til samgöngumála .. eða er það ekki svo ?

[Jón Ingi Cæsarsson, 28.5.2010 kl. 21:29]

Mældu lengd vegakerfis innan Reykjavíkur... það er miklu minna en 5% af vegakerfi landsins.

[Óskar Þorkelsson, 29.5.2010 kl. 05:48]

vegakefið í reykjavík fyrir utan stofnbrautir eru borgaðar af útsvari reykvíkinga en ekki sköttum landsmanna.. þetta áttu að vita Jón ;)

[Lára Stefánsdóttir, 30.5.2010 kl. 23:02]

Samgönguráðuneytið er búið að reyna að borga fyrir samgöngumiðstöð í Reykjavík en hingað til hafa Reykvíkingar ekki viljað hana. Það er varla hægt að kvarta þegar menn vilja ekki skattféð er það?