Fyrir flokkinn ! ekki þjóðina.

 

"Ég finn að trúverðugleiki minn sem stjórnmálamaður hefur skaðast og ykkar vegna, flokksins míns vegna þá tek ég þessa ákvörðun,“ segir Þorgerður Katrín."

Merkilegt hvað það sést greinilega hvað Sjálfstæðismenn eru ekki að skilja um hvað málið snýst.

Nú hefur Þorgerður sagt sig frá pólitík tímabundið en hún er ekki að því vegna þess að hún finni hjá sér trúnaðarbrest gagnvart þjóðinni eða hún hafi brotið af sér siðferðislega.

Hún segir sig frá pólítík tímabundið fyrir FLOKKINN.

Af þessari klaufalegu yfirlýsingu sést að frú Þorgerður Katrín er ekki að skilja stöðu sína í þessu ljóta máli og að FLOKKURINN er númer eitt - tvö og þrjú.

Þorgerður stígur til hliðar

Athugasemdir

[Gunnar (IP-tala skráð) 17.4.2010 kl. 11:19]

Í yfirlýsingunni segir hún "ykkar vegna", þá er hún væntanlega að meina þjóðina. Lestu fréttina að fullu áður en þú ferð að gera neikvæða athugasemd. Það er alltof mikil neikvæði í gangi alls staðar.

[ET (IP-tala skráð) 17.4.2010 kl. 11:25]

Hvað með Bjarna vafning, Guðlaug Þór og Tryggva Herbertsson? 

[Kalli Sveinss (IP-tala skráð) 17.4.2010 kl. 11:25]

Nú hljóta  eftirfarandi að segja af sér, einfaldlega vegna þess að þeir finna hjá sér " trúnaðarbrest gagnvart þjóðinni" !

 I. Össur Skarphéðinsson. Var ráðherra í hrunstjórninni, og fékk " litlar" 30 milljónir fyrir sölu skuldabréfa í SPRON, svona rétt fyrir hrun !

 2. Árn Þór Sigurðsson. Var hvorki meira né minna en í stjórn SPRON, og fékk VÆNAR FÚLGUR - sem kauði geymir í sjóðum erlendis !

 3. Jóhanna nokkur Sigurðardóttir. Var ráðherra í hrunstjórninni !

 Eigum við að nefna fleiri sem finna hjá sér ( vonandi) " trúnaðarbrest gagnvart þjóðinni" ?? !

 Látum oss sjá !!

[Björn Finnbogason, 17.4.2010 kl. 11:29]

Drullusokkar verða aldrei annað! Jón verður heldur ekkert annað!

[Rúnar g. (IP-tala skráð) 17.4.2010 kl. 11:30]

Skv fréttinni þá lét hún þessi orð falla á fundinum. Hvernig hægt er að skilja "ykkar vegna, flokksins míns" öðruvísi en að hún sé að tala við flokksmenn sína er illskiljanlegt. Allt of mikill undirlægjuháttur í gangi alls staðar.

[Guðmundur Heiðar (IP-tala skráð) 17.4.2010 kl. 11:34]

Jón Ingi, þú verður nú að setja hlutina í smá samhengi.  Þorgerður Katrín er að flytja þessa ræðu sína á flokksráðs-, formanna- og frambjóðendafundi Sjálfstæðisflokksins.  Hún er að flytja ræðu fyrir flokksmenn sem eru á þessu tiltekna fundi og þess vegna finnst þér þetta koma svona heimskulega út. 

[Halldór (IP-tala skráð) 17.4.2010 kl. 11:49]

Jón á svoldið erfitt með að skilja hluti, eins og sést á þessum pistli og öðrum, líklega fer öskufallið af eyjafjallajökli beinustu leið heim til hans og súrefni í lofti Jóns líklega mjög lítið!!

BTW, hvenær ætlar "jafnaðarflokkurinn" að axla ábyrgð???? Þýðir ekkert bara að Björgvin segi enn og aftur af sér tímabundið, Jóhanna var innsti koppur í hruninu, Össur á kafi í hlutabréfum og innsti koppurinn, skipti þá engu máli þótt hann segist ekki skilja neitt í bankamálum né sé allsber í worldclass.

[Hafsteinn Björnsson, 17.4.2010 kl. 12:05]

Mér sýnist nú, að FLokkurinn, í.þ.m. ákveðnir einstaklingar innan hans sem á einn eða annan hátt eru ótrúverðugir fulltrúar á Alþingi, séu að axla ábyrgð og hverfa einn af öðrum, sem er bara hið allra besta mál. Mér finnst líka mikilvægt, að þeir einstaklingar úr Samfylkingu, sem gengdu ráðherraembættum í ríkisstjórn Sjalla og Krata ættu að sýna af sér þann manndóm að gera slíkt hið sama. Reyndar er Samfylkingin að slátra sér sjálf og kannski hanga þau eins og hundar á roði á sætum sínum sem manna helst ættu að hypja sig.

Ég bíð enn eftir hvatningu Jóns Inga til eigin félaga um að axla ábyrgð og ítreka enn og aftur, að ég á enga von á því, því miður.

Þú ættir að segja skilið við Kratana Jón Ingi, því þeir höfðu ekki nokkurn áhuga á þér í bæjarmálin þarna fyrir norðan.

[ET (IP-tala skráð) 17.4.2010 kl. 12:24]

Undarlegt með Sjálfstæðismenn að afneita meginábyrgð í hruninu.  Það liggur fyrir að þegar árið 2006 var ljóst að  allt stefndi í að bankarnir myndu falla. Þá var Samfylkingin ekki í stjórn, heldur hækja íhaldsins sem heitir Framsóknarflokkur

[Jón Ingi Cæsarsson, 17.4.2010 kl. 12:27]

Það munu allir sem hlut eiga að máli axla ábyrgð...annað hvort að eiginfrumkvæði eða látnir gera það. En tekur væntanlega einhvern tíma með þá blindustu. Mér finnst ég skynja pirring hjá flokkshollum Sjálfstæðismönnum hér að ofan 

[Rúnar Freyr þorsteinsson (IP-tala skráð) 17.4.2010 kl. 13:47]

Sæll Jón.

Er nú búinn að lesa bloggið þitt nokkrumsinnum og í mörg þau skipti hef ég hrist höfuðið í undrun.

"Mér finnst ég skynja pirring hjá flokkshollum sjálfstæðismönnum hér að ofan"

Er það þannig að allir sem tala á móti Samfylkingunni séu sjálfstæðismenn, þetta þykir mér það mikil þröngsýni að mér fannst ég ekki eiga annara kosta völ en að koma með athugasemd á móti þessu.

Ekki gleyma því Jón að það eru fleiri flokkar á Íslandi (sem betur fer) heldur en XS og XD.

Með óskum um góða helgi.

[Hafsteinn Björnsson, 17.4.2010 kl. 14:01]

Ég hugsa það sé rétt hjá Jóni Inga, að það kunni að taka einhvern tíma fyrir þá "blindustu" að koma sér í burtu að eigin frumkvæði eða þá að þeir verði látnir fara. Mér sýnist að þeir allra "blindustu" séu einmitt hans eigin flokksfélagar, sem ættu þó, til að auka á trúverðugleika að láta sig hverfa.

Það eina sem getur komið á trausti milli þings og þjóðar er, að aftur verði kosið eftir að skýrslan kom fram og svo ég tali nú ekki um þennan eins árs reynslutíma sem helferðarstjórnin hefur haft til þess eins að klúðra málum.

Og að lokum, svona til áréttingar, að þá er ég ekki Sjálfsstæðismaður! En samt er ég pirraður, einmitt vegna þess hvað sumir virðast, sem þó hafa talað fyrir uppbyggingu trausts, skuli ekki sýna af sér þann dug að ganga á undan með góðu fordæmi.