Frumkvæði og kraft þarf til að þora.

 

"Kostnaður er áætlaður samtals 33 milljarðar króna og geta framkvæmdir hafist þegar á þessu ári og lokið árið 2014. Þegar ráðherra kynnti framkvæmdirnar nýverið kom fram að stofnað verði sérstakt félag í eigu ríkissjóðs um þessar framkvæmdir sem taki lán hjá lífeyrissjóðum á svipuðum vöxtum og  skuldabréf Íbúðalánasjóðs bera og hófleg veggjöld standi straum af endurgreiðslu lána og vaxta."

Þetta er afar gott mál og gott að sjá að einhver hreyfing er að komast á málin. Það er eins og enginn þori að taka af skarið og leggja til framkvæmdir og leggja til nýjar leiðir.

Ég vona sannarlega að úrtölumenn og svartagallsrausarar taki sig ekki til og tali niður hugmyndir sem geta leitt til hreyfingar og bjartsýni.

Þarna þarf pólitíska samstöðu um nýjar leiðir og hreyfingu.. það er nóg komið af úrtölum og neikvæðni í þjóðfélaginu.

SA styður flýtingu samgönguframkvæmda

Athugasemdir

[Jón Bragi Sigurðsson, 13.4.2010 kl. 11:43]

Ég ætla nú að leyfa mér að vera svo neikvæður að frábiðja mér framkvæmdir sem eiga að byggjast á því að stolið sé því litla sem eftir er af lífeyrissjóðunum.

[Jón Ingi Cæsarsson, 13.4.2010 kl. 16:30]

Lífeyrissjóðir eru ekki geymdir undir koddanum. Þá þarf að ávaxta m.a. með að þeir láni til framkvæmda með vöxtum.   Eignir allra lífeyrissjóða  hafa sem betur fer ekki skaðast umtalsvert í heild sinni í þessu hruni.