Ljótt mál og versnar enn.

 

Forseti Íslands var á villigötum. Hópar InDefence og stjórnarandstöðuflokkarnir hafa stórskaðað Ísland á alþjóðavettvangi og forsetinn toppaði skaðann með ákvörðun sinni.

Það er ljóst að meirihluti þjóðarinnar er á móti þessari afgreiðslu forsetans og einsýnt að þetta verður samþykkt í þjóðaratkvæði með miklum mun enda segir Gallup að stuðningur hafi minnkað hratt eftir því sem á könnun leið.

Niðurstaðan... 42 % sammála og 52% á móti sýnir að þjóðin er að sjá í gegnum blekkingar stjórnarandstöðunnar.... en tjónið er raunverulegt. 1200 manns voru spurðir.

Auk þess mun þjóðaratkvæðagreiðsla kosta okkur 160 milljónir sem er blóðpeningur í öllum þeim niðurskurði sem framundan er...

Sorgleg niðurstaða .... sorglegt skemmdarverk.

Meirihluti andvígur ákvörðun forsetans

Athugasemdir

[Óskar Arnórsson, 6.1.2010 kl. 18:53]

Forseti gerði nákvæmlega það sem var rétt. Ef fólk er að láta væl frá Bretum hafa áhrif á sig, verður það endalaust snuðað og gengur um með hattinn í hendinni. Sumum líður best að vera kúgaðir...

[Víðir Benediktsson, 6.1.2010 kl. 19:51]

Já það er dýrt þetta fjandans lýðræði.

[Jón Halldór Guðmundsson, 6.1.2010 kl. 23:02]

Nei það er ekki dýrt þetta lýðræði. Það er dýrt þetta lýgræði BD!

[Guðrún Jónsdóttir (IP-tala skráð) 7.1.2010 kl. 00:12]

Jón Ingi og Jón Halldór.  Kynnið ykkur réttar niðurstöður kannana áður en þið farið að básúna niðurstöður út.  Jón Ingi, þú ert að fara í framboð.  Segðu satt og rétt frá.  Jón Halldór, kíktu á bloggið þitt.

[Axel Þór Kolbeinsson, 7.1.2010 kl. 00:19]

Það er kannski vert að minnast á það að tvær aðrar kannanir um þetta sama málefni voru sýndar í dag.  Yfirlit hér.

[Óskar Arnórsson, 7.1.2010 kl. 01:09]

Yfirgnæfandi þeirra sem tekið hafa þátt í netkosningum tveggja erlendra fjölmiðla styður málstað Íslendinga í Icesave-málinu. Um eða yfir 90% telja að Íslendingar eigi ekki að greiða hollenskum og breskum stjórnvöldum vegna Icesave-reikninganna.

EIns og AMX greindi frá í morgun er netkosning hjá breska dagblaðinu Guardian. Spurning blaðsins er einföld: Á að þvinga Íslendinga að greiða [Icesave]? Þegar þetta er skrifað hafa 89,5% þeirra sem tekið hafa þátt í kosningunni svarað neitandi. Ísland sé lítið land sem eigi að gefa tækifæri.

The Wall Street Journal er einnig með netkosningu. Þar er spurningin: Á Ísland að bæta tjón breskra sparifjáreigenda sem töpuðu fjármunum á Icesave-reikningum?

Nær 91% segja að Íslendingar eigi ekki að bæta sparifjáreigendum tjónið. Alls hafa liðlega 3.400 tekið þátt í kosningunni þegar þetta er skrifað.

Kosningin á Guardian

Kosning á The Wall Street Journal

[Víðir Benediktsson, 8.1.2010 kl. 16:50]

Hvaða hógværð og hlédrægni hefur gripið þig, hættur að blogga?