Fíflagangurinn í hnotskurn.

 

"Samkvæmt upplýsingum frá Hagstofu Íslands voru þrjú kíló af hvalkjöti og öðrum hvalaafurðum flutt út frá Íslandi á tímabilinu janúar til nóvember á síðasta ári. Nánar til tekið eru það vörur í tollskrárflokknum „Nýtt eða kælt hvalkjöt og aðrar hvalaafurðir.”

Ég hef verið úthrópaður í bloggheimum fyrir að hafa þá skoðun að hvalveiðar við Ísland væri rugl og vitleysa.

Nú sannast það sem ég og fleiri höfum sagt.. þetta kjöt selst aldrei og auk þess skaðar þetta málstað Íslands í heiminum og við megum illa við meiru af slíku þessi misserin.

Og svo væri fróðlegt að vita hverjir borguðu veiðar og vinnslu í sumar og haust. Og svo kostar væntanlega tugi milljóna að geyma óseljanleg tonn af hvalkjöti í geymslum árum saman.

Nú bannar sjávarútvegsráðherra veiðar næsta sumar..enda til einskis að drepa dýr til að eyðileggja kjötið í geymslum.

 

Lítið selst úr landinu af hval

Athugasemdir

[Unnar, 6.1.2010 kl. 11:01]

þvílík steypa að hjá fráfarandi ráðherra. Engu líkara en honum hafi langað til að eyðileggja fyrir okkur. Er það komið á hreint að hvalveiðar verði bannaðar?

[Gunnar Th. Gunnarsson, 6.1.2010 kl. 11:18]

Hrefnan selst vel hér innanlands

[Haraldur Bjarnason, 6.1.2010 kl. 11:58]

Einhver snillingurinn á Hagstofunni hefur eflaust það hlutverk að fylgjast með þessum tölum. Líklega er þetta sýnishorn eða þá að einhver hefur keypt kjöt beint. Það er rétt að benda þér á það Jón Ingi að hér á Akranesi höfðu þessar hvalveiðar mikið gildi. Um 40 manns unnu við vinnsluna hér og það fólk kom nánast allt af atvinnuleysisskrá. Enn fleiri voru að vinna í hvalstöð og síðan áhafnir bátanna. Iðnaðarmenn héðan fengu mikla vinnu við viðhald tækja og svona mætti lengi telja. Ég er ekki í nokkrum vafa að Kristján Loftsson er búinn að tryggja sölu á þessu kjöti. Fyrir utan það hve umhverfisvænar þessar hvalveiðar eru og jákvæðar til að halda jafnvæginu í hafinu. - kveðja norður og gangi þér vel í prófkjörinu en það myndi lítið þýða fyrir kollega þína hér að koma með þennan hvalamálstað í prófkjör.

[Jón Ingi Cæsarsson, 6.1.2010 kl. 12:43]

Gunnar.. það er verið að tala um veiðar á langreyði... til útflutnings.

Haraldur.. hversu lengi hafa menn við framleiðslu sem ekki selst.. ??

Kristján Loftsson... jaaa

[Jón Ingi Cæsarsson, 6.1.2010 kl. 12:45]

vinnu ... átti að vera þarna líka

[Gunnar Th. Gunnarsson, 6.1.2010 kl. 12:56]

Eru hrefnuveiðar ekki hvalveiðar??  Þú segist á móti hvalveiðum