Framsóknarvandræði.

Framsóknarflokknum virðast enn mislagðar hendur við val á fólki til trúnaðarstarfa. Það gerist aftur og aftur að tengsl og vinnubrögð þeirra sem þar koma að málum virka illa á fólk. Borgarfulltrúi Framsóknar í Reykjavík og formaður stjórnar Orkuveitunnar eru svolítið Framsóknar og fyrirgreiðslulegir. Tengsl formanns flokksins við gróðaöflin og einkavæðingarfortíðina eru öllum ljós.

Nú neyðist fulltrúi flokksins í bankaráði Seðlabanka til að segja af sér því einhverjir fundu á honum veikan blett sem hann ekki treysti sér til að standa af sér.

Þetta minnir okkur sem betur fer á það að Framsóknarflokkurinn hefur ekkert breyst og er enn hagsmunasamtök fyrrum kaupfélags og sís manna sem komu ár sinni fyrir borð þegar samvinnurhreyfingi hrundi og losnaði um fé sem enginn átti.

Fer fram á lausn frá störfum

Athugasemdir

[Hallur Magnússon, 12.9.2009 kl. 18:36]

Grjótkast úr glerhúsi!

[Jón Ingi Cæsarsson, 12.9.2009 kl. 18:51]

Ég hef aldrei verið í gróðurhúsi og hef ekki stundað nein viðskipti á ævi minni .. þannig að ekkert er glerhúsið hvað mig varðar

[Víðir Benediktsson, 12.9.2009 kl. 19:09]

Þetta er svona álika geðslegt og þiggja stórfé af Jóni Ásgeiri til að reka stjórnmálaflokk.

[Gísli Baldvinsson (IP-tala skráð) 12.9.2009 kl. 19:22]

Jón Ingi er ekki þekktur glergrýtismaður, Hallur. Talinn sómamaður af andstæðingum. Spurðu Víði.

[Jón Ingi Cæsarsson, 12.9.2009 kl. 19:23]

Enda var lögum um fjármál stjórnmálaflokka breytt að frumkvæði Samfylkingarinnar eftir áratuga leynarhjúp og pukur.... og því fær enginn stjórnmálaflokkur framar slík framlög..hvorki Framsókn né aðrir.. Gott fyrir Framóknarflokkinn því ekki var Sís eða Kea til að dæla í þá milljónum eins og gamla daga... Nú er þetta komið í eðlilegan og gagnsæjan farveg og það var Samfylkingin sem rak það mál í gegn.. Jóhanna flutti fyrsta frumvarp þessa efnis fyrir tuttugu árum. Víðir... þú ert sjálfum þér samkvæmur...ferð að tala um Samfylkinguna þegar Framsókn er í veseni...en samt þykist þú ekki vera Frammari...römm er sú taug

[Víðir Benediktsson, 12.9.2009 kl. 19:33]

Sagði að þetta væri álíka geðslegt Jón minn. Hvarflar ekki að mér að taka upp hanskann fyrir einn né neinn í þessu sukki, hvorki framsóknarmenn né aðra. Gísli minn, ég er sammála þér, held að Jón sé sómamaður, bara í vondum félagsskap.

[Hallur Magnússon, 12.9.2009 kl. 19:37]

Gísli!

Hann villtist þá inn í það núna - stóra Samfylkingarglerhýsið :)