Hallærislegt.

Mér hefur alltaf þótt það hallærislegt þegar menn finna nýjan sannleika þegar þeir falla í prófkjörum. Þetta gerði Jón Bjarnason þegar hann féll í prófkjöri Samfylkingarinnar í NV um árið.

Og að Karl Matthíasson verði allt í einu Frjálslyndur og eigi með þeim samleið er eiginlega bara broslegt. Hvar ætli karlinn fái sæti á framboðslista ? Allavegana ekki í NV þar er búið að Guðjón og Sigurjón búnir að raða sér... og Kiddi sleggja farinn.

Kannski mætir Karl á lista í NA í guðs nafni... ef svo er veri hann velkominn í baráttuna.

Svo ég bæti nú aðeins við.

 Ég veit að Karl hefur sómatilfinningu og því reikna ég með að hann víki úr þingflokki Samfylkingarinnar og af þingi og láti varamanni eftir að klára málin að kosningum.

Karl V. til liðs við Frjálslynda

Athugasemdir

[Jón Agnar Ólason, 13.3.2009 kl. 10:44]

Sammála þessu - hugsjónir sem eru falar fyrir þingsæti eru einskis virði. Karl laut í gras í sínu kjördæmi og þá leitar hann á nýjar lendur, óháð því fyrir hvað téð beitarland stendur. Hingað til hefur Karli svelgst á tuggunni sem þar er í boði; við skulum sjá hversu vel hún fer í magann núna.

[Sævar Helgason, 13.3.2009 kl. 11:04]

Ja hérna , núna er Karl V. Matthíasson aldeilis kominn í félagsskapinn- Frjálslyndaflokkinn. Í prófkjöri 2007 féll fyrrum (vara) þingmaður Samfylkingarinnar SV kjördæmi- í prófkjöri. Sá gekk í kjölfarið í Frjálslyndaflokkinn. Hann náði engum árangri þar- og er nú kominn í Samfylkinguna, aftur.  Verður ekki svo með Karl V. Matthíasson - týndi sonurinn kemur heim aftur  að ári eða tveim ??