Of margir frístundaþingmenn á Alþingi ?

Mér finnst þessi umræða sérkennileg. Þetta var svona eins og grátkór sem skældi af því stóra mamma var svo vond. Ég veit ekki betur en þingmenn geti ráðið þessu í gengum þingmennsku og ekki síður í gegnum flokkana. Ef þingið hefur sett niður og ekki borin fyrir því virðing verður það að skrifast á þingheim sjálfan því enginn getur verið áskrifandi að virðingu.

Margir hafa orðið til þess að benda á að sumir þingmenn virðast líta á það sem frísstundagagaman að sitja á Alþingi. Með þingmennsku gegna þeir fjölda starfa alveg óskyldum. Það kannski sýnir okkur óbreyttum að þetta sé kannski ekki raun fullt starf.

Þó nokkrir þingmenn eru td í sveitarstjórnum og aðrir eru í fullu námi með þingmennskunni. Það skyldi þó ekki vera að þeir sjálfir eigi einhvern þátt í hvernig komið er.

Nefni hér nokkra sem ég man eftir og eru í öðru. Birkir Jón Jónsson.... í mastersnámi og bæjarfulltrúi í Fjallabyggð. Kristján Þór Júlíusson forseti bæjarstjórnar á Akureyri. Gunnar Svavarsson bæjarfulltrúi í Hafnarfirði... og svo eru nokkrir sem ég veit um í bullandi námi með.

Til að mæta þessum vanda í íslensku máli hefur verið búið til nýyrðið " frísstundaþingmaður "

Þingmenn eins og afgreiðslufólk á kassa

Athugasemdir

[Víðir Benediktsson, 6.11.2008 kl. 17:46]

 Sæll Jón, nokkuð til í þessu. Við vitum hvernig staðan er hjá núverandi forseta bæjarstjórnar Akureyrar. Það þekkjast líka frístundaborgarfulltrúar. Geta verið erlendis í námi á sama tíma og þeir þiggja laun sem borgarfulltrúar.  Nærtækustu dæmin eru Gísli Marteinn og Ingibjörg Sólrún.