Álftadalsdyngja - Upptyppingar að minna á sig.

Það hefur verið lítið um að vera á svæðinu austan Upptyppinga síðustu mánuði. Fyrstu hrinur urðu þarna fyrir rúmlega tveimur árum og þá voru flestar hræringarnar á 16 - 20 km dýpi.

Í síðustu hrinu sáust marktækar breytingar fyrir okkur leikmenn. Margir af þeim skjálftum sem þá voru áttu upptök sín á 12 - 15 km dýpi.

Undanfarna daga hafa hræringar hafist á þessu svæði aftur. Þetta eru þó fáir og ekki stórir skjálftar en það vekur athygli mína á nú bregður svo við að flestir skjálftanna virðast vera á 6 km dýpi ef marka má upplýsingar á heimasiðu Veðurstofunnar.

Einnig má sjá að upptökin eru ekki á sama stað heldur nokkuð vestar en síðasta hrina og því ekki í dyngjunni. Þetta er nánst beint norður af Upptyppingum svona um 4 - 5 km.