Populismi Framsóknar..

Það er merkileg umræða í gangi þessa dagana. Nokkrir Framsóknarmenn reyna að eigna sér umræðuna um ESB aðild og láta sem þeir hafi " fattað upp á þessu " eins og börnin segja. Birkir Jón þingmaður Norðausturkjördæmis hefur lagt til að þjóðaratkvæðagreiðsla fari fram um hvort menn vilji aðildarviðræður. Formaður hans blæs og stynur og talar gegn slíku.

Birkir Jón ætti að vita að það þarf ekki þjóðaratkvæðagreiðslu um aðildarviðræður. Við hefjum einfaldlega aðildarviðræður og könnum mál. Ef niðurstaða næst sem menn telja þess virði að stíga þetta skref fer fram þjóðaratkvæðagreiðsla um þá niðurstöðu og þá ræðst hvort við göngum þar inn sem ég tel þjóðfélagslega nauðsyn.

Tillaga Birkis Jóns lýsir ákveðnu hugleysi .... af hverju að spyrja hvort megi tala við aðrar þjóðir... til þess hafa stjórnmálamenn fullt umboð og leyfi.

Til að fá inngöngu í ESB, ég tala nú ekki um aðild að myntbandalaginu þurfum við að ná efnahagslegum og þjóðfélagslegum stöðugleika. ESB og evra eru ekki lausn á þeim vanda sem nú er glímt við. Aftur á móti er staðan sú að ef við náum ekki tökum á ástandinu þurfum við ekki einu sinni að reynar viðræður... við yrðum send heim og sagt að koma aftur þegar stöðugleika væri náð. Að því vinna stjórnmálamenn nú um stundir og vonandi ná um það samkomulagi við atvinnulífið, verkalýðshreyfinguna og alla þá sem lagt geta hönd á plóg að ná þeim markmiðum.

Sá eini sem ekki talaði uppbyggilega í sjónvarpi gær var Guðni Ágústsson. Hann notaði enn og aftur tækifærið til árása á ríkisstjórn án raka og án tillagna um aðgerðir... bara innhaldslausir frasar ... og megininnihaldið... hann og Framsókn var engiltær og hrein mey og báru enga ábyrgð á fortíðinni. Sem betur fer man þjóðin Framsókn og efnahagsráðstafanir þeirra á árunum 2003 - 2007 og reyndar enn lengur.

Samfylkingin hefur haft aðildarviðræður á stefnuskrá árum saman. Enginn stjórnmálaflokkur hefur komið til liðs við þá stefnu flokksins. Þessar fálmkenndu tillögur Birkis Jóns eru ekki sterkar og ef einhver dugur væri í honum mundi þingályktunartilagan hans ganga út á að hefja aðildarviðræður en ekki að spyrja þjóðina hvort hann megi það. Stjórnmálamenn eru kosnir til að leiða þjóðina og ef þeir hafa ekki þor til að stíga skref sem þetta ættu þeir að sleppa þessu fálmi. Birkir Jón.... skora á þig að breyta og leggja til að undirbúningur aðildarviðræðna hefjist nú þegar.

Þá værir þú alvöru stjórnmálamaður sem þyrðir...en ekki Framsóknarmaður sem er að reyna að ná athygli.

Evran ekki á dagskrá