Lífríkið er að breytast.

Það er víða sem vandi virðist vera í lífríkinu í norðurhöfum. Við erum í vanda hér hvað varðar ýmsa fiskistofna. Loðnan er ekki að mæta, þorskstofninn er í lægð, sandsílið hefur hrunið á ýmsum svæðum og fleira mætti nefna.

Þessi vandi kemur síðan niður á sjávarafla og viðkomu þeirra stofna sem allt eiga undir og þar má nefna lunda, álku, stuttnefju og fleiri svartfuglastofna. Þekktur er viðkomubrestur í kríuvarpi yfir vestan og sunnan. Ástandið er þó heldur skárra hér fyrir norðan að því er virðist.

Þegar svo er komið verða menn að taka vitræna umræðu um þessi mál. Það gengur ekki að stjórnmálaöfl eins og Frjálslyndir láti sem ekkert sé og gangrýni takmarkanir í veiðiheimildum. Það væri fullkomið ábyrðgarleysi að stinga höfðinu í sandinn og auka sókn og veiðiheimildir. Það sér hver hugsandi maður. En það hentar þessu stjórnmálaafli enda er þetta eina málið sem skilur þá frá öðrum stjórnmálaflokkum og því er málflutningur þeirra lítt gáfulegur og lyktar af hentistefnu.

Vestmannaeyingar verða að taka þessi mál alvarlega og hætta lundaveiði meðan svo er ástatt í þeim stofni og fleirum. Ef menn veiða alla innstæðuna kemst allt í þrot og fuglinn hverfur endanlega af þessum svæðum. Það er þó von meðan reynt er að takmarka veiði og bregðast við þeirri vá sem steðjar að. Það verður bara að horfast í augu við staðreyndir þó það sé sárt. Eins er komið fyrir rjúpunni sem er hánorrænn fugl. Haftyrðill er horfinn sem varpfugl á Íslandi og eins gæti farið fyrir þeim tegundum sem eru hér á syðsta hluta útbreiðslusvæða sinna.

Kannski er þessi breyting komin til að vera. Norrænir stofnar hverfa vegna hlýnunar lofts og sjávar en í stað þeirra koma hér suðrænni tegundir. Þar má nefna markríl og  fleiri sem ekki sáust hér áður. Þá fjögar fuglum af suðænni uppruna en samýlingar okkar í gegnum aldirnar. Ef til vill hverfur rjúpan alveg, jafnvel þó við takmörkum veiði. Þetta gerist auðveldlega og menn mega ekki láta sem svo að þetta sé í góðu lagi..... vandinn bara hverfi og þeir geta haldið áfram að haga sér eins og áður.

Veiðin aðeins brot af því sem verið hefur

Athugasemdir

[Óskar Þorkelsson, 18.8.2008 kl. 12:07]

góður pistill og þarfur..

Það eina sem ég tel rangt í pistlinum er þetta með Rjúpuna, hún hverfur ekkert þótt hlýni  enda finnst hún suður alla evrópu til Pyranneafjalla á Spáni.  að vísu í fjalllendi en samt.