Er Mogginn að skrökva í okkur ?

22.7.2008 | 12:39

Er Mogginn að skrökva í okkur ?

Mogginn flytur í dag ótíðindafrétt af væntanlegum uppsögnum vegna samruna Spron og Kaupþings.

Haft var eftir yfirmönnum í Spron að flest í þessari frétt væri rangt og menn áttuðu sig ekki á því hver tilgangurinn væri að hafa uppi slíkan fréttaflutning.

"Hjá SPRON starfa um 250 manns, um 75 eru starfandi í útibúunum en um 175 starfsmenn starfa í höfuðstöðvum sparisjóðsins."

Þessi setning sem er úr fréttinni er td sögð tóm þvæla. Rétt tala er 17 starfsmenn sem starfa í höfuðstöðvunum segja Spron - menn. Var Moggi að villast á td. 17,5 stöðugildi og 175 manns ? Þarna ber nokkuð mikið í milli.... meira en sómakærir blaðamenn vilja láta góma sig fyrir svona faglega séð.

Þá situr eftir þessi spurning.... hvorir eru að segja satt.... Moggi eða Spron ??

	Allt að 200 missa vinnu við samruna SPRON og Kaupþings
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Þú ættir nú að vita það að Moggin lýgur aldrei hann fer bara stundum dálítið frjálslega með staðreyndir. Gerir mús að fíli og öfugt.

Brynjar Jóhannsson, 22.7.2008 kl. 12:55

Ég var að blogga um aðra lygi á mbl.is. Þar var fullyrt að lélega afkomu Norsk Hydro mætti m.a. rekja til lágs álverðs.

Þarna hefur einhver andstæðingur stóriðju séð sér færi í að hagræða staðreyndum. Ég skoðaði frétt bandarísks stórblaðs af sama máli og frétt á heimasíðu fyrirtækisins og þar sagði að afkoman væri svona léleg þrátt fyrir mjög hátt álverð, þ.e.a.s. alveg öfugt við það sem Mogginn hélt fram.

Veit ekki hvað er að gerast á Mogganum.

Guðbjörn Guðbjörnsson, 22.7.2008 kl. 13:03

Tók reyndar eftir einu í orðum forstjóra SPRON. Hann tekur ekki fyrir það að fólki verði sagt upp, heldur talar eingöngu um illar hvatir Moggans Held að það sé öruggt að það verði uppsagnir við samrunann, bara spurning hvorum megin við hundraðið það verði.

AK-72, 22.7.2008 kl. 13:39