Upplausn í borgjarstjórnarflokki íhaldsins.

Umræðan í þjóðfélaginu hefur heldur betur komist á flug. Borgarfulltrúum Sjalla er gert að þegja og lýsa stuðningi við Villa þvert um geð sitt. Halda þessir ágætu borgarfulltrúar að þjóðin séu slíkir hálfvitar að sjá ekki í gengum þennan hráskinnaleik.

Það er pólitskt sjálfsmorð að skrifa upp á svona atburðarás. Það er hlegið að dvergunum sex um allt land og heyra þessi krakkagrey lýsa yfir stuðngi við mann sem er með allt niður um sig. Hver getur tekið mark á Júlíus Vífli, Kjartani Gunn, Gísla Marteini og hinni geðgóðu Hönnu Birnu auk hinna sem fæstir muna hvað heita.

Ég held að ég hafi aldrei séð jafn stóra hjörð stjórnmálamanna leidda, jafn viljalausa til póltiskrar aftöku. Gamli góði Villi er með þau í skrúfstykki því þau byggja pólitískt vald sitt á tilvist hans í oddvitastöðu.

Ég er nánast viss um að hann og Ólafur F hafa hótað þeim að rjúfa þennan meirihluta ef þau hlýddu ekki.... það má sjá í þessari atburðarás allri.

Það skyldi þó aldrei fara svo að myndaður verði nýr meirihluti í borginni...þegar einhverjir borgarfulltrúar Sjalla ganga til liðs við Tjarnarkvartettinn...

eða nei annars.... Sjálfstæðismenn hafa ekki slíkt þor í stjórnmálum og hagur borgarinnar og borgarbúa er settur framar flokkshagsmunum.

Vilhjálmur: Hef axlað ábyrgð

Athugasemdir

[Páll Jóhannesson, 11.2.2008 kl. 15:57]

Ég vona allra vegna að Vilhjálmur standi fastur á sínu og sitji út kjörtímabilið - það bara dregur flokkinn hans enn lengra niður í svaðið, gott á þá.

[Gísli Baldvinsson (IP-tala skráð) 11.2.2008 kl. 16:00]

Vilhjálmur hefur axlað ábyrgð upp yfir axlir. Axla-Villi héreftir.

[Þorsteinn Egilson, 11.2.2008 kl. 16:30]

Ósammála þessu: "Gamli góði Villi er með þau í skrúfstykki því þau byggja pólitískt vald sitt á tilvist hans í oddvitastöðu. Ég er nánast viss um að hann og Ólafur F hafa hótað þeim að rjúfa þennan meirihluta ef þau hlýddu ekki". -Það er einhver allt annar en Villi sem sér um að kúga þau og því  tækju þau væntanlega fagnandi ef þeir fóstbræður "hótuðu" með meirihlutarofi. Um leið og VÞV klúðrar og klúðrar vegferð xD í Rekjavík þá sitja sex-mínus-einn menningarnir og missa af kjörnu tækifæri til að sýna pólitíska djörfung og segja sig frá þessum ósóma. Ja, fast hefur vandarhöggið verið í haust þegar þau sóttu Geir heim, sællar(?) minningar.
Kveðja,

[Gísli Baldvinsson (IP-tala skráð) 11.2.2008 kl. 17:19]

Skemmtilegur vinkill Þorsteinn. Þú segir í raun að þetta sé hefnd Vilhjálms. Það er nú 112 dagurinn í dag. Sami dagafjöldi og sirkusinn byrjaði.