Flottur íþróttamaður.

Oft hef ég verið ósáttur við val á íþróttamanni ársins. Þó var kjörið á síðasta ári mjög sanngjarnt og til sóma. Alltaf er ég svolítið hræddur við það þegar íþróttafréttamenn eru að kjósa íþróttamann ársins. Stórstjörnudýrkun þeirra gengur úr hófi og það er eimitt það sem hefur gert það að verkum að mér hafa þeir stundum verið mistækir við þetta val.

En núna hitta þeir naglann þráðbeint á höfðuðið. Að mínu mati kom enginn, að öllum ólöstuðum, til greina í þessu vali nema Margrét Lára. Stórkostlegur íþróttamaður, hógvær, ákveðin og með sérstaklega fallega framkomu jafnt á velli sem utan hans.

Ég er sem sagt afar glaður fyrir hönd íslenskra íþrótta og sérstaklega að kvennaknattspyrnan hafi loks fengið þá athygli og sóma sem er auðvitað hluti af þessu vali.

Til hamingju Margrét Lára.

Margrét Lára íþróttamaður ársins

Athugasemdir

[Björn Jónsson (IP-tala skráð) 28.12.2007 kl. 21:33]

Ertu semsagt að segja að Margrét Lára sé ekki stórstjarna

[Jón Ingi Cæsarsson, 29.12.2007 kl. 01:53]

ég er að segja að hún er þarna vegna getu og hæfileika...hefur verið afar góður íþróttamaður og grein sinni til sóma. Hún er aftur á móti ekki tilbúin fjölmiðlastórstjarna sem er hampað endalaust eins og sumum ónefndum er hampað af íþróttamönnum þó svo þeir séu lítið meira en meðalskussar nú um stundir.