Vantraust þjóðarinnar - traust Bjarna.

Það breytir því ekki að ráðherrann er með fullt traust frá mér.“ Þetta sagði Bjarni í samtali við fréttastofa þegar óskað var eftir viðbrögðum hans, sem formanns Sjálfstæðisflokksins, við því að Hæstiréttur taldi embættisfærslur Sigríðar Andersen þegar skipað var í embætti Landsréttardómara ekki í samræmi við stjórnsýslulög.

Lögbrjóturinn í dómsmálaráðuneytinu nýtur trausts formanns Sjálfstæðisflokksins.

Þannig var það líka þegar Hanna Birna ráðherra var í tómu tjóni og vitleysu.

Dómgreind formanns Sjálfstæðisflokksins er engin þegar kemur að svona málum eins og dæmin sanna.

Staðan núna er að dómsmálaráðherra nýtur traust fáeinna ráðamanna í stjórnarflokkunum en yfirgnæfandi þjóðarinnar vill hana burtu úr embætti.

En á Íslandi eru það siðspilltir stjórnmálamenn sem fara sínu fram, álit almennings skiptir engu.

Enda kannski skiljanlegt, þetta fólk er kosið aftur og aftur þrátt fyrir alla siðspillinguna og ljótleikann í embættisfærslum

Banana - hvað ?

Og nú hefur komið fram milljónatuga krafa vegna lögbrota ráðherrans og þær verða vafalaust fleiri.

Traust Bjarna á ráðherranum eykst vafalaust með hverjum dómi sem fellur.

Kemur kannski ekki á óvart en sárt er að sjá formann VG dragast út í spillingardýkið, fastur við Sjálfstæðisflokkinn.

Athugasemdir

[Stefán Örn Valdimarsson (IP-tala skráð) 22.12.2017 kl. 09:49]

Þú vildir að Hanna segði af sér vegna leka sem var reyndar ekki frá henni kominn og þú vildir að Sigríður segði af sér fyrir að leka ekki.  Þetta er orðið dálítið flókið að öðru leiti en að hræsni ykkar vinstri manna er endalaus.  Ég ber fullt traust til Sigríðar en ég er væntanlega ekki hluti af þjóðinni að þínu áliti. Ég er ekki með réttu skoðanirnar. Samfylkingarmenn tala alltaf fyrir hönd þjóðarinnar þó svo að frekar fáir séu tilbúnir að kjósa þann flokk.